DF oo ka warbixisay howlgal lagu beegsaday saraakiil Shabaab ah
MUQDISHO, Soomaaliya – Dowladda Federaalka Soomaaliya ayaa ka warbixisay howlgallo ay shaacisay in laga fuliyey gobolka Jubadda Hoose.
Ciidamadda sidda gaarka ah u tababaran ee loo yaqaano Danab ayaa qaadey howlgaladda, sidda ay sheegtay Wasaarada Warfaafinta.
Wallow aan la xusin waqtiga, howlgaladda ayaa ka dhacay degaanadda kala ah; Beerxaani, Janaay Cabdalla, Kuuba Kibir iyo Birta Dheer.
Sidda lagu caddeeyay bayaanka Wasaaradda, howlgaladda ayaa lagu dilay Maxamed Xuseen [Abuu Muxsin], oo qaraxyadda qaabilsanaa.
"Sidoo kale, waxaa nolosha lagu soo qabtay horjoogihii u qaabilsanaa Maaliyadda, Cabdi Dheere," ayaa lagu yiri warka qoraalka ah.
Dhanka kale, ma jiro wax jawaab ah oo ku aadan sheegashadda xukuumadda federaalka ah oo kasoo baxay dhanka Al-Shabaab.
Maalmihii u dambeeyay milatariga Soomaaliya ayaa gobolada kala duwan ee waddanka kawaday howlgalo ka dhan ah kooxaha argagixisada ah.
GAROWE ONLINE