Dowlada Soomaaliya oo cambaareysay weerarkii garoonka Sacuudiga

Soomaliya
By WARIYAHA MUQDISHO , GAROWE ONLINE
Axmed Ciise Cawad, wasiirka arrimaha dibadda Soomaaliya | Xuquuqda Sawirka: GO

MUQDISHO, Soomaaliya – Dowladda Federaalka Soomaaliya ayaa si kulul u cambaareysay weerarkii ay Falaagada Xuutiyiinta isbuucii hore ku ekeeyeen garoonka Abha ee Koonfur-Bari Sacuudiga.

Kooxda fadhigeedu yahay Yemen ee ay barataarto Iiraan ayaa dhowr Gantaalo oo kuwa ridada dheer ah waxay ku beegsatay madaarkaasi, Arbacadii, taasi oo sababtay dhawaaca 26 rakaab.

Xulufada ay Riyadh hogaamiso ee dagaalka kawada Yemen o ku eedeeyay Tehran in ay lahayd Gantaaladaasi ayaa ku sifeysay dhacdadaasi "fal ah dambi dambiyadeed oo ka dhan ah Sacuudiga".

Dowlada Soomaaliya ayaa dhankeeda tilmaamtay in weerarkaasi "mid halis dhab ah ku tahay amniga gobolka ayna wiiqeyso dedaalada ay Qaramada Midoobay dhibaatada Yemen ugu raadineyso xal siyaasadeed".

War-saxaafadeed kasoo baxay wasaaradda arrimaha dibadda ayaa lagu xusay in dowladda federalka ah ay la safan tahay Sacuudiga oo wajahaya weeraro dhanka cirka iyo dhulka oo Xuutiyiinta kaga imaanaya.

"Soomaaliya waxay ku gabar-tagaan tahay Sacuudi Carabiya wajiyada weerarada foosha ee argagixisada, kuwaasi oo sare u qaadaya falal dambiyeedyada fuleynimada ah," ayaa lagu yiri bayaanka.

Bishii hore, maamulka madaxweyne Farmaajo ayaa sidaan oo kale u dhaliilay weerar loo adeegsaday diyaaradaha aan duuliyaha lahayn oo ay Xuutiyiinta ku beegsadeen goobaha Saliida laga soo saaro ee Sacuudiga.

WAR-SAXAAFADEEDKA

GAROWE ONLINE

Wararkii ugu dambeeyey