Dowladda oo hakinaysa Duulimaadka Garoonka Diyaaradaha Muqdishu
MUQDISHU, Somalia- Wasaaradda Gaadiidka Duulista Hawada Somalia ayaa sheegtay in la joojin doono dhammaan duulimaadyada Garoonka Diyaaradaha Muqdishu 22-ka Bishan, oo ah maalinta Caleemo-saarka Madaxweynaha Cusub Maxa'ed Cabdullaahi Farmaajo.
War-saxaafadeed kasoo baxay Wasaaradda, oo nuqul kamid ah lasoo gaarsiiyay Warsidaha Garowe Online, ayaa lagu wargeliyay Shirkadaha Duulimaadyada in la hakinayo Duulimaadka 22-ka February.
Kaliya Diyaaradaha ay la socdaan Diblomaasiyiinta iyo Madaxda ka qeyb-galayso Caleemo-saarka Madaxweyne Farmaajo ayaa loo ogol yahay inay kusooo degaan Garoonka caalamiga ee Aden Adde.
Sababta ka damaysa joojinta Howlaaha Duulimaadyada Diyaaradaha Garoonka Muqdishu ayaa ah xoojinta amniga caasumadda, oo maalmahan ay ka dhacayaan Isbedello iyo dhisamaha dowladda cusub.
Maalinta Arbacada, 22-ka febuary, waa maalinta uu si rasmi ah uu Talada dalka ugula wareegayo Madaxweyne Farmaajo Xasan Sheekh Maxa'uud, oo mudo 4 sano ah Somalia soo maamulayay.
GAROWEONLINE