Farmaajo oo loo diray warqad walwal looga muujiyey xaalada jira

Image

MUQDISHO, Soomaaliya – Machadka Caalamiga ah ee Warbaahinta ayaa shaaca ka dhigay in ay uu warqad u diray xafiiska madaxweynaha dowladda Soomaaliya, Maxamed Cabdullaahi Farmaajo.

Warqadaas oo todobaadkii hore loo qoray xafiiska Farmaajo ayaa looga codsaday in dowladdiisu sidda ugu dhaqsiyaha badan u joojiso xadgudubka wariyeyaasha iyo warbaahinta.

Sidoo kale, waxaa walaac looga muujiyey xaaladaha sii kordhaya ee Hay'adda Sirdoonka iyo Mas'uuliyiinta sar-sarre ay ugu xadgudbayaan wariyeyaasha iyo xorriyadda hadalka.

"Warbaahin madax-banaan la'aan dimuqraadiyad kama sii jireyso Soomaaliya. Guud ahaan warbaahinta waxay daruuri u tahay dumuqraadiyadda gaar ahaan xilli uu dalku wajahay caqabado kala duwan," sidaas waxa warqadda ku yiri Ravi R. Prasad, agaasimaha waaxda ololaha.

Farmaajo ayay cod dheer kaga dalbadeen in uu xaqiijiyo in Hay'adda Nabad-sugida iyo Sirdoonka Qaranka iyo mas'uuliyiinta dowladda aysan u cagajugleyn wariyeyaasha iyo war-fidiyeenka.

Soomaaliya ayaa haatan ku howlan iska-caabinta safmarka Coronavirus. Sidoo kale, doorashooyin aan wali lagu heshiin nidaamka lagu galayo waxaa loo madalsan yahay sanadka 2020-21.

Warbaahinta ayaa laga maarmaan u ah ajendayaashan heerka Qaran, waxaana dowladda madaxweyne Farmaajo lagu sifeeyay "xukuumaddii ugu xumeyd ee soo martay warbaahinta madaxa-banaan".

GAROWE ONLINE

Related Articles

Baarlamaanka Soomaaliya oo doodii ugu dambeysay ka yeeshay Dastuurka

Ajanadaha kulanka maanta ayaa ahaa dib-u-eegista dastuurka marxalada 3-aad.

  • Soomaliya

    28-03-2024

  • 11:23AM

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM