Guddoomiyaha Maxkamadda gobolka Banaadir oo shaqada laga fariisiyay

Image

MUQDISHU, Somalia- Wareegto kasoo baxday xafiiska Guddoomiyaha Maxkamadda Sare, ee Somalia Dr. Ibraahim Iidle Saleebaan ayaa Maanta Shaqadii looga joojiyay Guddoomiyihii Maxkamadda Gobolka Banaadir, Xaashi Cilmi Nuur.

Tallaabadan ayaa loo cuskaday eedo la sheegay inay yaallaan maxkamadda iyo sidoo kale inuusan Guddoomiyuhu uusan si toos ah ugu lug lahayn howlaha socda.

Ma jirto muddo waraaqda lagu caddeeyay oo shaqada uu ka maqnaanayo Guddoomiyaha maxkamadda gobolka Banaadir.

Qoraalka, ayaa sidoo kale lagu sheegay inaysan jirin kala dambayn dhinaca garsoorka ah oo ka jirta gobolka, taasoo keentay in muddo badan xabsiga lagu hayo maxaabiis kala duwan.

Go'aanka ayaa la sheegay in lagu saxayo arrimaha cadaaladda ee Banaadir ka jirta.

Shaqo joojinta ayaa timid xilli maxaabiis aad u tiro badan oo howl gallo lagusoo qabto lagu hayo xabsiyada gobolka Banaadir gaar ahaan caasumadda Somalia.

Guddoomiyaha maxkamadda gobolku kama uusan hadlin sida uu u arko tallaabada uu qaaday Mudane Iidle.

GAROWEONLINE

Related Articles

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM

Shanta ajande uu Xasan Sheekh doonayo in baarlamaanka u ansixiyo

Labo kamid ah qodobadan ayaa la sheegay in madaxweynaha uusan gorgortan ka geli doonin.

  • Soomaliya

    28-03-2024

  • 06:43AM