Gudoomiye cusub oo loo magacaabey Bangiga Dhexe ee Soomaaliya
MUQDISHO, Soomaaliya - War hadda soo dhacay ayaa sheegaya in Xukuumadda Soomaaliya ay Gudoomiye cusub u magacawday Bangiga Dhexe ee dalka, oo mudo hal sano ah hogaan la'aan ahaa.
Nin lagu magacaabo C/raxmaan Maxamed Cabdullaahi, oo ahaa labadii sano ee ugu dambeysay la-taliyaha dhinaca dhaqaale Ra'iisul Wasaare Khayre ayaa xilkan loo magacaabey, iyadoo la filayo in Gollaha Wasiiradda ay ku dhawaaqaan magacaabida.
Gudoomiyaha Bangiga Dhexe ayaa madaxda Villa Somalia la raadinayeen inay u dhiibaan nin u dhashay Ingiriiska, kaasoo dartiisa loo bedalay xeerarkii hay'addan lacagta, waxaana ka dhashay dood adag oo Baarlamaanka dhexdiisa ah.
C/raxmaan ayaa la sheegay inuu yahay shaqsi kasoo jeeda gobolka Togdheer ee Somaliland, waxaana ay saaxibo dhaw yihiin Ra'iisul Wasaare Xasan Cali Khayre.
GAROWE ONLINE