"Halis ka dhalan karta" muddo kororsi uu sameysto Farmaajo oo laga digay

Image

ADDIS ABABA, Ethiopia – Madaxweyne Farmaajo wuu isku deyi doonaa in uu waqti ku darsi sameeyo, balse waxaa ka dhalan karta khatar, sidaas waxaa yiri Medhane Tadesse, lataliye sare oo Midowga Afrika ah.

Mudada xilheynta Farmaajo ayaa dhamaan doonta bisha Febraayo sanadka dambe 2021, waana in doorasho la qabtaa waqtigaas, sidda uu xeerinayo Dastuurka ku meel gaarka ah ee waddanku leeyahay.

Tadesse, oo u waramay wargeyska The Article, ayaa qiray in nidaamka federaalka Soomaaliya uu haatan "halis wajahayo".

Xukuumadda federaalka ayaa lagu eedeeyay in ay kasoo horjeeda nidaamka isla markaana ay burburineyso maamulada aragti ahaan ka duwan.

"Hadii qaab-dhismeedka federaalka uu halis ku jiro, lama filan karo doorashooyin nabdoon, sidda ku xusan dhaqankii hore," ayuu raaciyey.

Farmaajo wuxuu ku adkeystay in uu hirgelin doono coddeyn qof iyo cod ah, balse waxaa ku xeeran shaki badan, iyaddoo dadka  naqdiyey fekerkaas ku doodayaan ammaanka iyo halista Al-Shabaab ka imaaneysa.

Guddiga doorashooyinka ayaa dalbaday 53 milyan oo Doolar si uu ugu qabto doorashooyinka qof iyo cod, oo taariikhi noqon doonta. Balse, wali ma aysan helin maalgelin ku filan.

"Dabcan, Farmaajo wuxuu isku deyi doonaa in uu muddo kororsi sameysto," ayuu tibaaay Tadesse, kaasoo aaminsan in aysan dhabaha u xaari karin doorashooyinka, taas bedelkeeda ay "khatar keeni karto".

Gabagabadii, Tadesse ayaa kusoo xiray hadalkiisa: "Waxay hurineysaa khilaafka iyo qalalasaha Soomaaliya, waxayna fursad siineysaa xoogaga hubeysan, gobolkana waxay ka abuureysaa colaad heerkeedu hooseeyo".

GAROWE ONLINE

Related Articles

Xasan Sheekh iyo Xamse oo ogolaadey hub loo diray Laascaanood, xilli cabsi laga qabo dagaal

Arrintan ayaa sii hurinaysa khilaafka sii fidaya ee u dhexeeya maamulka Puntland iyo dowladda Federaalka Soomaaliya.

  • Soomaliya

    06-07-2025

  • 01:50PM

Ciidamo gadood ka sameeyay Muqdisho iyaga oo ka cabanaya mushaar la’aan

Dhacdadan ayaa muujinaysa heerka ay gaarsiisan tahay niyad-jabka iyo tabashada gudaha ciidanka dowladda.

  • Soomaliya

    06-07-2025

  • 01:14PM