Ilmo yar oo kamid ah dad wax ku noqdey qarax ka dhacay Kismaayo

Image

KISMAAYO, Jubbaland – Ugu yaraan laba qof ayaa lagu waramay in ay ku dhimatay, afar kalana ay ku dhaawacmeen bam gacmeed lagu weeraray mehrad ku taala xaafada Farjano ee magaalada Kismaayo.

Illo wareedyo dadka degaanka ah ayaa u sheegay Garowe Online in weerarkaan oo dhacay abaare 7-dii fiidnimo xalay dadka ku dhaawacmay uu kamid yahay cunug yar oo xaaladiisa laga dayrinayo.

"Dhamaan bukaanadda dhaawaca ah waxaa loo daabulay xarumaha caafimaadka si loo daaweeyo," ayuu yiri qof goobjooge ahaa.

Ciidamadda ammaanka oo tegay meesha ay wax ka dhaceen ayaa tibaaxay in ay gacanta kusoo dhigeen la tuhunsaneyaal badan.

Ma jirto koox illaa iyo haatan dusha saaratay mas'uuliyadda falkaan, balse dhacdooyinka noocaan ah waxaa geysta Al-Shabaab.

Inkasta oo laamaha amnig ay sheegeen in ay ku dedaalayaan ka hortagga falalkaas, qaraxyadda lagu beegsado xarumaha ganacsiga ayaa ku badan gudaha caasimadda ku meelgaarka ah ee Jubbaland.

Al-Shabaab ayaa lacago baad ah ka qaada ganacsatada si ay ugu adeegsato howlgaladeeda, waana mid kamid ah ilaha ay dakhliga ka hesho. Cidii diida waxay ugu hanjabaan dil, sidda ay sheegeen mas'uuliyiinta.

GAROWE ONLINE

Related Articles

Labada Jihan ee ku jira Madaxtooyada Soomaaliya oo la kulmay Madaxa amniga Midowga Afrika

Go'aanka ayaa dhigaya in muddo-xileedka madaxweynaha uu dhammaaday, arrintaas oo ay dowladda federaalku ka aragti duwan tahay.

  • Soomaliya

    12-11-2026

  • 12:40PM

Kosovo oo dowladda Soomaaliya weydiisatay halka ay ku sugan yihiin xubno la socday wafdi booqday dalkaas

Warqadda oo ka kooban laba bog, laguna qoray qaabka diblomaasiyadeed ee loo yaqaan Note Verbale, ayaa sidatay tixraaca No. 4868-561/26.

  • Soomaliya

    12-11-2026

  • 09:21AM