Khayre oo xil u magacaabay afhayeenkii hore ee baarlamaanka KG

Image

MUQDISHO, Soomaaliya – Ra'iisul wasaaraha Soomaaliya ayaa wareegto laga sii daayey telefishinka qaranka wuxuu ku magacaabay wasiiru dowlaha ganacsiga iyo warshadaha xukuumada federaalka ah.

Xasan Cali Khayre ayaa xilkaas wuxuu u xushay Cabdiqadir Shariif Sheekhuna Maye, sidda ku xusan wareegtadda magacaabida.

Mr Maye ayaa ahaa afhayeenka baarlamaanka koowaad ee dowlad goboleedka Koonfur Galbeed, xilkaas oo dhowaan loo doortay Cali Saciid Fiqi, oo xiriir dhow la leh madaxda Villa Soomaaliya.

Doorashada Fiqi ayaa la aaminsan yahay in ay maalgelisay Madaxtooyadda Qaranka, oo lagu eedeeyay in ay faragelisay coddeynta.

Wararka ayaa sheegaya in jagada haatan loo dhiibay Maye ay kamid ahayd balanqaad loo sameeyay, kaas oo uu ku ogolaadey in uu ka tanaasulay kursigiisa Xildhibaanimo iyo gudoomiyaha.

Mas'uulka cusub ayaa bedeli doona Daahir Cabdi Cabdullaahi [Dr Go], kaas oo aan wali la ka jawaabin xilka ka qaadistiisa.

Koonfur Galbeed waxaa waxaa hogaamiya Cabdicasiis Xasan Maxamed [Laftagareen], kaas oo xukuumadda Khayre ka tirsanaa. Qaramada Midoobay waxay sheegtay in doorashadiisa lagu bixiyey laaluush badan.

GAROWE ONLINE

Related Articles

Baarlamaanka Soomaaliya oo doodii ugu dambeysay ka yeeshay Dastuurka

Ajanadaha kulanka maanta ayaa ahaa dib-u-eegista dastuurka marxalada 3-aad.

  • Soomaliya

    28-03-2024

  • 11:23AM

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM