Kooxda AS oo dib ula wareegtay deegaanka Daaru Nimca

Image
Madaxweyne Xasan Sheekh ayaa sheegay in dowladda ay xoojin doonto dagaalka AS.

Jowhar, Soomaaliya - Wararka ka imaanaya deegaanka Daaru-nimca ee gobolka Shabeelaha Dhaxe ayaa sheegay in meleeshiyaadka AS ay gudaha u galeen deegaannka, ka dib markii ay isaga baxeen Ciidamada Deegaanka iyo kuwa dowladda.

Wararka ayaa sheegaya in kooxda "AS" ay miinooyin ku aaseen deegaanka si ay u xoojiyaan difaaca, iyadoo ciidamada dowladda ay u dhaqaaqeen dhanka deegaanka Al-kawthar.

Ma jiraan wax khasaare oo ka dhashay weerarkan oo AS kula wareegeen deegaanka Daaru Nimca, ilaa iyo haatana ma jira wax war oo ka soo baxay dhanka dowladda.

Kooxda AS ayaa muddooyinkii dambe xoojisay weerarada ka dhanka ah Ciidamada Dowladda, iyaga oo la wareegay dhowr deegaan oo ay isaga baxeen.

Dhanka kale, Madaxweyne Xasan Sheekh Maxamuud ayaa sheegay in dowladda ay xoojin doonto dagaalka AS, iyada oo xoogga saari doonta gobolka Shabeellaha Hoose.

GAROWE ONLINE

 

Related Articles

Muqdisho: Hub-ka-dhigis Lala Beegsaday Saraakiil Hore oo Lala Xiriirinayo Mucaaradka

Taliyaha Ciidanka Soomaaliya, Jen. Odowa Yusuf Rageh, ayaa dhawaan sheegay in dhammaan gaadiidka ciidamada oo aan fasax rasmi ah lahayn.

  • Soomaliya

    16-10-2025

  • 01:12PM

Xasan Sheekh Oo ku Baaqay Midnimo Iyo Isbedel Xilli Mudo-xileedkiisa uga haray 6 bilood

Kulanka ayaa diiradda lagu saaray dardargelinta dhismaha dowladnimada iyo horumarinta adeegyada bulshada.

  • Soomaliya

    16-10-2025

  • 11:05AM