Madaxweyne Gaas oo degmada Qandala ku wajahan

Image

April 9, 2015 (GO)- Madaxweynaha Puntland Cabdiweli Maxamed Cali Gaas ayaa ku wajahan degmada Qandala ee gobolka Bari.

Ila wareedyo lagu kalsoon yahay ayaa Garowe Online u sheegay in madaxweynuhu soo gaari doono magaalada Bosaso kadibna uga sii gudbi doono dhanka Qandala.

Muddada uu Qandala ku sugan yahay Madaxweynaha Puntland wuxuu xarigga ka jari doonaa mashaariic dhowr ah oo qayb ka ah barnaamijka JPLG, wuxuu sidoo kale la kulmi doonaa siyaasiyiinta, waxgaradka iyo qaybaha kala duwan ee bulshada.

Dhanka kale, waxaa goor dhow magaalada Bosaso ka baxay wafdi uu hoggaaminayo guddoomiyaha gobolka Bari. Wafdigaas oo isugu jira mas'uuliyiin dowladda ka tirsan iyo isimmo waxay hordhac u yihiin wafdiga Madaxweynaha.

Booqashadan ayaa noqoneysa tii ugu horreysey e Madaxweyne Gaas ku tago degmada Qandala tan iyo markii uu xilka qabtey.

GAROWE ONLINE

Related Articles

Baarlamaanka Soomaaliya oo doodii ugu dambeysay ka yeeshay Dastuurka

Ajanadaha kulanka maanta ayaa ahaa dib-u-eegista dastuurka marxalada 3-aad.

  • Soomaliya

    28-03-2024

  • 11:23AM

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM