Xaaf oo Mooshin culus laga keenay xilli Galmudug kala qeybsantay

Image

DHUUSAMAREEB - Xildhibaano kamid ah Baarlamaanka Galmudug, gaar ahaan garabka ku sugan magaalada Dhuusamareeb ayaa sheegay inay Mooshin Kalsooni kala noqosho ah ka keeneen Madaxweynaha maamulkaasi, Axmed Ducaalle Geelle [Xaaf].

Xildhibaan Muxudiin Cali Jimcaale (Jakuula) oo ka mid ah xildhibaanada Galmudug ayaa xaqiijiyay in mooshinka saxiixiisu uu wali socdo, islamarkaana ay doonayaan inay maalmaha ama saacadaha soo socda u gudbiyaan gudoonka Baarlamaanka.

Wuxuu xusay Xildhibaan Jakuula in Mooshinka ay illaa hadda saxiixeen in ka badan 50 Mudane,oo isaga uu ka mid yahay waxaana uu intaasi ku daray in ay doonayaan Xildhibaanada inay xilka ka qaadaan Madaxweyne Xaaf, oo xilligan mowjado siyaasadeed ay ku furan yihiin.

Lama oga sababta ka dambeysa Mooshinka cusub, balse waxa uu kuso beegmayaa xilli uu labo garab u kala jabey maamulka Galmudug, islamarkaana Xildhibaanadiisa Cadaado iyo Dhuusamareeb ku kala sugan ay dhawaan xilalka kawada qaadeen dhamaan madaxda sare ee maamulka.

Laakiin, illo xog ogaal u ah arrimaha ka socda Dhuusamareeb ayaa u sheegay Warsidaha Garowe Online in Xildhibaanada mooshinka wada ay yihiin kuwii Ahlu Sunna, oo doonaya inay meesha ka saaraan Xaaf, dibna u doortaan Sheekh Maxamed Shaakir.

Khilaafka Siyaasadeed ee Galmudug ayaa mudo soo jiitamayay wixii ka dmabeeyay heshiiskii awood qeybsiga Jabuuti, kaasoo mas'uuliyiinta isku qabteen qaabkii loo hirgelin lahaa, gaar ahaan muda xileedka Madaxweynaha, isku dhafka labada Baarlamaanka ee Ahlu Sunna iyo Galmudug iyo arrimo kale.

GAROWE ONLINE

 

 

Related Articles

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM

Shanta ajande uu Xasan Sheekh doonayo in baarlamaanka u ansixiyo

Labo kamid ah qodobadan ayaa la sheegay in madaxweynaha uusan gorgortan ka geli doonin.

  • Soomaliya

    28-03-2024

  • 06:43AM