Mareykanka oo fahfaahiyey duqeymo uu la beegsaday Al-Shabaab

Image

MUQDISHO, Soomaaliya – Taliska ciidamada Mareykanka ee Afrika ayaa shaaciyey in laba duqeyn ay 16-kii bishan June ka fuliyeen meel ku dhow magaaladda Jilib ee gobolka Jubadda Dhexe.

AFRICOM oo war-saxaafadeed soo saartay kaasi uu arkay GO ayaa tilmaamtay in howlgalkaasi ay ku khaarijiyeen laba dagaalame oo ka tirsanaa xoogaga gacansaarka la leh shabakada Al-Qaacidda.

Balse warka qoraalka ah ayaa nan lagu caddeyn qaabka u dhacday duqeynta, wallow saraakiisha ciidamada Soomaaliya ay tibaaxayaan in lala beegsaday xubno ku sugnaa bar kontarool.

"Illaa iyo haatan ma hayno waxyeelo weerarka cirka ah kasoo gaarey dad shacab ah," ayaa lagu yiri bayaanka, oo intaasi lagu daray "hadii ay soo baxana sheegashooyinkaasi waanu eegaynaa".

Marka laga soot ago sheegashada ka timid Washington ma jiro war ku saabsan duqeyntan oo ay soo saartay Al-Shabaab.

Magaaladda Jilib oo 112 KM u jirta caasimada ku meel gaarka maamulka Jubbaland ee Kismaayo ayaa la rumeysan yahay in ay tahay xarunta ugu weyn Al-Shabaab ayna ku sugan yihiin hogaankooda.

Sirdoonka Soomaaliya iyo qaar kamid ah kuwa reer Galbeedka ayaa waxay aaminsan yihiin in Axmed Cumar Diiriye oo loo yaqaano [Abuu Cubeyd] hogaamiyaha Al-Shabaab uu agagaarka Jilib ku nool yahay.

Mareykanka ayaa bilooyinkii lasoo dhaafay dardargeliyey weerarada dhanka cirka ee ka dhanka ah Al-Shabaab, waana xeelada kaliya ee kooxda lagula dagaalamayey tan iyo markii laga saarey Muqdisho.

Inkasta oo dagaalka dhanka dhulka ah oo ay la galayeen ciidanka Soomaaliya oo garab ka helaya kuwa Midowga Afrika, ma jiraan guulo wax ool ah oo gulufkaasi laga soo hooyey marka laga reebo degaano laga saarey.

GAROWE ONLINE

Related Articles

Janan oo ku eedeysan dembiyo culus oo DF u xil-saartey fulinta qorshaheeda Gedo

Gedo ayaa ah barta khilaafka, waxaana dowladda federaalku u aragtaa meel istaraatiiji ah oo lagama maarmaan u ah hirgelinta ajandaha siyaasadeed ee Xasan Sheekh.

  • Soomaliya

    14-07-2025

  • 08:06PM

Al-Shabaab oo Ku Guuleystay Dib U Qabsashada Deegaanka Tardo ee Gobolka Hiiraan

Kooxda Al-Shabaab ayaa muddooyinkii u dambeeyay si isdaba joog ah u wadaysay olole dagaal oo ay ku doonayaan.

  • Soomaliya

    14-07-2025

  • 07:53AM