Mareykanka oo Howlgal ka fuliyay Gobolka Shabeellaha Hoose

Image

BARIIRE, Soomaaliya - Ciidamo Mareykanka, oo ay wehlinayaan kuwa dowladda Federaalka ah ee Soomaaliya ayaa xalay saqdii dhexe howlgal gaar ah ka fuliyay deegaano ku yaalla gobolka Shabeellaha Hoose, ee Koonfurta Soomaaliya.

Wararka aan ka helayno gobolka ayaa sheegaya in Howlgalka uu ka dhacay Tuulada Macallinka, oo ku taalla inta u dhaxaysa degmooyinka Afgooye iyo Bariire, halkaasi oo ay ku xoog badan yihiin dagaalyahanada Al Shabaab.

Inta la xaqiijiyay 5 qof ayaa lagu dilay howlgalka, iyadoo 10 kale ay ku dhaawacmeen, waxaana warar kala duwan ay kasoo baxayaan bartilmaameedka weerarka.

Warbaahinta ku hadasha afka Al-Shabaab ayaa sheegtay in dadka la dilay ay ahaayeen shacab Beeralay ah, kuwaasi oo Ciidamada ay beegsadeen xilli ay la socdeen Gaari Cagaf-Cagaf saqdii dhexe xalay, iyagoo khudaar u waday degmada Afgooye.

Saraakiisha maamulka gobolka Shabeellaha Hoose wali wax fahfaahin ah kama bixin howlgalka, kaasi oo dhacay saacado kadib markii qarax ismiidaamin ah uu ka dhacay Suuq kuu yaalla degmada Wanlaweyn.

Ciidamada Mareykanka, AMISOM iyo kuwa dowladda Federalka ee ku sugan gobolka ayaa lagu soo waramayaa inay sameynayaan dhaq-dhaqaaqyo ay kaga hortagayaan weeraro suurta gal ah in Al Shabaab ee bisha Ramadan.

GAROWE ONLINE

Related Articles

Villa Somalia oo dalacsiin ciidan ku raadineysa taageerada beesha Xawaadle xili kacdoon ka jiro Hiiraan

Ilo-wareedyadu ma aysan shaacin tirada guud ee dadka la dalacsiiyay, magacyadooda ama hay'adaha ay ka tirsan yihiin.

  • Soomaliya

    12-11-2026

  • 08:31PM

Labada Jihan ee ku jira Madaxtooyada Soomaaliya oo la kulmay Madaxa amniga Midowga Afrika

Go'aanka ayaa dhigaya in muddo-xileedka madaxweynaha uu dhammaaday, arrintaas oo ay dowladda federaalku ka aragti duwan tahay.

  • Soomaliya

    12-11-2026

  • 12:40PM