Maxay kawada hadleen Khayre iyo Qoor Qoor?

Image

MUQDISHO, Soomaaliya - Madaxweynaha Galmudug Qoor Qoor ayaa xalay hoygiisa ku booqday Xasan Cali Khayre, oo xilka Ra'iisul Wasaaraha laga qaadey bishii July markii Gollaha Shacabka kalsoonida kala noqday Xukuumadiisa.

Khayre ayaa ku shaaciyay bartiisa Twitter-ka in kulanka uu ahaa mid mira-dhal ah, oo isaga iyo Qoor Qoor ku lafa-gureen arrimaha doorashooyinka qaranka iyo doorka maamulka Galmudug.

"Waxaan xalay kulan miro dhal ah la qaatay madaxweynaha dowlad goboleedka Galmudug mudane Qoor Qoor. Waxaan ka wada hadalnay arrimaha doorashada & kaalinta Galmudug, sidoo kale waxaan isla eegnay howlaha u qabsoomay Galmudugta loo dhan yahay iyo waxyaabaha horyaalla maamulkiisa," ayuu yiri Khayre.

Sabtidi lasoo dhaafay, Khayre ayaa la kulmay gudoomiyaha Aqalka Sare Cabdi Xaashi, isagoo uga mahadceliyay kaalintii uu ka qaatay hannaanka loogu gudbayo muddo xileed cusub ee dowladda Soomaaliyeed.

Khayre ayaa ah musharax u taagan xilka Madaxweynaha, waxaana uu kusoo biiray loolan la filayo inuu adkaan doono, maadaama siyaasiyiin miisan culus leh ay ku jiraan, kuwaasoo Farmaajo, CC Shakuur iyo Farmaajo ay kamid yihiin.

Dhanka kale, waxaa Muqdisho ka socda kulamo siyaasadeed oo taageero loogu raadinayo kalsooni siinta Rooble iyo heshiiskii doorashadda 17-kii bishaan Villa Soomaaliya ku saxiixdeen Farmaajo iyo Madaxda Maamullada.

GAROWE ONLINE

Related Articles

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM

Shanta ajande uu Xasan Sheekh doonayo in baarlamaanka u ansixiyo

Labo kamid ah qodobadan ayaa la sheegay in madaxweynaha uusan gorgortan ka geli doonin.

  • Soomaliya

    28-03-2024

  • 06:43AM