Mukhtaar Roobow oo ka dagay Xudur [qorshihiisa cusub]

Image
Image

XUDUR, Bakool - Mukhtaar Roobow Cali "Abu Mansuur" ayaa saaka ka dagay degmada Xudur ee xarunta gobolka Bakool, isagoo kasoo duulay magaalada Muqdisho oo mudooyinkii dambe uu ku sugnaa.

Diyaarad gaar ah oo kasoo qaadey Caasimadda ayuu Mukhtaar Roobow ku tagey magaalada uu kasoo jeedo ee Xudur, halkaais oo ay kusoo dhaweeyeen Mas'uuliyiin iyo saraakiil ciidan oo katirsan maamulka Koonfur Galbeed Soomaaliya.

Roobow oo isku soo dhiibay dowladda Federaalka bishii August ayaa lagu soo waramayaa inuu wado qorshoo cusub oo qeyb ka ah Gulufka colaadeed ee dowladda ku qaadayso Al Shabaab, Kooxdii uu horey uga soo goostay.

Sarkaal katirsan ciidamada Koonfur Galbeed ayaa Warsidaha Garowe Online u xaqiijiyay socdaalka Roobow ee magaalada Xudur, oo uu sheegay in si aad ah loogu soo dhaweeyay, islamarkaana la filaya inuu la kulmo Madaxda maamula gobolka Bakool.

Wasiirkii hore ee Gaashaandhigga dowladda Federaalka Soomaaliya Cabdirashiid Cabdullaahi Maxamed iyo xubo kale ayaa ku wehliya Roobow safarkiisa Xudur.

Mukhtaar Roobow ayaa Al Shabaab kula dagaalamay mudo sanado ah deegaanka Abaal oo ku dhaw Xudur, kahor inta uusan isku soo dhiibin ciidamada dowladda, loona soo gudbin magaalada Muqdisho oo uu uga dhawaaqay inuu ka baxay Al Shabaab.

Waxaa la filayaa in Roobow uu gaaro Abaal, oo ay ku sugan yihiin malleeshiyaad isaga taabacsan, kuwaasi oo la qorsheynayo in lagu soo daro ciidamada dowladda Federaalka kahor inta uusan billaaban howlgalka ka dhanka ah Al Shabaab.

GAROWE ONLINE

Related Articles

Baarlamaanka Soomaaliya oo doodii ugu dambeysay ka yeeshay Dastuurka

Ajanadaha kulanka maanta ayaa ahaa dib-u-eegista dastuurka marxalada 3-aad.

  • Soomaliya

    28-03-2024

  • 11:23AM

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM