Nin Al-Shabaab ah oo dilay "180 qof" oo maxkamad lasoo taagey

Image

MUQDISHO, Soomaaliya – Maxkamadda Ciidamadda Soomaaliya ayaa maanta oo Khamiis ah waxaa lasoo taagay nin ku eedeysan dilka in ka badan 180 ruux oo isugu jira shacab iyo saraakiil ciidan oo sarre.

Maxamed Xaaji Axmed [Ilkacase] ayaa kamid ah shabakad ka tirsan xoogaga xiriirka la leh ururka Al-Qaacida oo kasoo wada muuqday xeer-beegtadda.

Shaqsiyaadka la sheegay in Ilkacase uu khaarijiyey waxaa kamid ah; laba Jeneraal, xeer-ilaaliye ku xigeenka iyo adeerkii soo koriyey, oo sarkaal boolis ahaa.

Hay'adda Nabad-sugida iyo Sirdoonka Soomaaliya ayaa sheegtay in Ilkacase uu sidoo kale ka dambeeyay qaraxyo ka dhacay magaaladda Muqdisho.

"Maxamed Xaaji [Ilkacase] oo ka tirsan Amniyaadka AS, oo loo haysto dilka in ka badan 180 qof iyo fulinta qaraxyo uu ka mid yahay kii Tiyaatarka Qaranka oo uu ku shahiiday haldoor Cawil Daahir, ayaa asaga iyo shabakaddiisa oo ka koobab 9 dhagarqabe la horgeeyay Maxkamada CQS," ayaa lagu yiri qoraal lasoo dhigay barta Twitter-ka ee hay’adda NISA.

Saddex kale oo maxkamadda lala soo taagay Ilkacase oo ay ku jirto haweenay ayaa loo haystaa in ay Al-Shabaab xubin ka yihiin iyo dambiyo argagixisinimo ah.

Sidda ay Garowe Online u shegeeen saraakiisha, shan kale oo maqane ah, kuwaasoo ka tirsan shabakadan uu hogaamiyo Ilkacase ayaa "lagu raad-joogaa".

Maxkamadda Ciidamadda Soomaaliya oo soo gabagabeysay dhageysiga dacwadda ka dhanka ah eedeysaneyaashaan ayaa la filayaa in ay maalmaha soo aadan xukun kama dambeys ah kasoo saarto galkooda.

GAROWE ONLINE

Related Articles

Baarlamaanka Soomaaliya oo doodii ugu dambeysay ka yeeshay Dastuurka

Ajanadaha kulanka maanta ayaa ahaa dib-u-eegista dastuurka marxalada 3-aad.

  • Soomaliya

    28-03-2024

  • 11:23AM

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM