Qarax gaari oo dhacay Muqdisho iyo wararkii ugu dambeeyay

Image
Image
Image
Image

MUQDISHO, Soomaaliya - Warar dheeraad ah ayaa kasoo baxaya qarax gaari oo fiidnimadii Khamiista caawa ah ka dhacay isgoyska KM 4 ee magaaladda Muqdisho.

Illo wareedyo dhinaca amaanka ah ayaa u sheegay warsidaha Garowe Online in qaraxa uu ka dhashay walxo qarxa oo lagu soo xiray gaariga nooca raaxada ah.

Dab xoogan ayaa qabsaday gaariga isla markii uu qaraxu dhacay, balse kooxda dab-damiska ayaa ku guuleystay in ay damiso.

Ugu yaraan hal ruux oo ah qofkii gaariga watay ayaa ku dhaawacmay qaraxa, kaasi oo loola cararay goobaha caafimaadka.

Ciidamada amaanka oo goobta soo gaarey ayaa daqiiqado hakad geliyay isu socodka gaadiidka iyo dadwaynaha, balse mar dambe dib u furey

Wali ma cadda waxa uu yahay shaqsiga gaariga saarnaa, kaasi oo dhakhaatiirta ay sheegayaan in dhaawaciisa uu aad u culus yahay.

Ma jirto koox illaa iyo haatan dusha saaratay mas'uuliyadda dhacdadaan, balse Al-Shabaab ayaa falalka noocan ah ka geysta caasimadda.

Habeenkii Talaadada ayay ahayd markii qarax gaari lagu soo xiray lagu dhaawacay sarkaal ka tirsan hay’adda dambi baarista Soomaaliya.

Arrimahaan ayaa kusoo aadaya iyadoo ciidamada xoogga oo ka cabanaya mushahaar la’aan ay soo faarujiyeen furumahii ay joogeen, iyadoo dowladda ku dadaalayso sidii ay dib ugu celin lahayd.

GAROWE ONLINE

Related Articles

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM

Shanta ajande uu Xasan Sheekh doonayo in baarlamaanka u ansixiyo

Labo kamid ah qodobadan ayaa la sheegay in madaxweynaha uusan gorgortan ka geli doonin.

  • Soomaliya

    28-03-2024

  • 06:43AM