Qarax Ismiidaamin ah oo ka dhacay Muqdishu
MUQDISHO, Somalia - Qarax Culus oo Ismiidaamin ah ayaa caawa fiidkii ka dhacay Isgoyska Sayidka, ee magaalada Muqdishu.
Goobjooge ayaa GO u sheegay in Gaari nooca SURF ah, oo lagu soo xiray walxaha qarxa lagu weeraray Barkoontarool oo ciidamada NISA ku leeyihiin Isgoyska Sayidka.
Qaraxa kadib, Rasaas xoogan ayay ciidamada NISA rideen, waxaana la ogeyn khasaaraha ka dhashay qaraxa iyo rasaasta.
Ciidamada ayaa xiray wadadka, oo ah mid aad u mashquul badan, kuna dhaw xarunta Baarlamaanka Soomaaliya.
Kooxda Al shabaab, ayaa sheegatay mas'uuliyadda Qaraxa.
GAROWEONLINE