Qarax ka dhacay Baydhaba iyo wararkii ugu dambeeyay

Image

BAYDHABO, Soomaaliya - Fahfaahino dheeri ah ayaa laga helayaa qaraxyo ka dhacay magaaladda Baydhabo ee xarunta KMG maamul goboleedka Koonfur Galbeed Soomaaliya, sida ay xaqiijiyeen saraakiisha amniga.

Ugu horeyn, qarax Miino oo lala beegsaday shacab ku sugnaa Goob ay kusoo bandhigayeen ciyaar Dhaqameed oo ku taala xaafada Degaan-dega ee caasimad goboleedka Bay, waxaana ku dhimatay 2 ruux, iyadoo ay ku dhaawacmeen 13.

“Qaraxa waxaa uu ahaa Miino bartamaha meesha wax lagu soo bandhigayay lagu aasay. Dadka meesha joogay oo soo bandhigayay ciyaar dhaqameed waxay isugu jireen Rag iyo Dumar,” ayuu yiri goobjooge la hadlay Warsidaha Garowe Online.

Dhanka Kale, kooxda Al-Shabaab ayaa sheegatay in qaraxa ay ciidamo ka tirsan dowladda kula beegsatay xaafada Hareri-kadiyow ee isla Baydhabo inay ku dishay afar kamid ah milatariga Soomaaliya.

Mas’uuliyiinta amniga oo labadaan qarax ka hadlay waxay ka gaabsadeen inay tafaasiil dheeri ah ay bixiyaan khasaraha, balse, waxay carabka ku dhufteen inay ku gudajiraan baaritaan la xiriira dhacdooyinkan.

Qaraxyaddani ayaa kusoo aadaya iyadoo Koonfur Galbeed ay yeelatay dhawaan Madaxwayne cusub, kaasoo lagu magacaabo Cabdicasiis Lafta Gareen.

GAROWE ONLINE

Related Articles

Ciidamada Dowladda oo howlgallo ka fuliyay aagga degmada Xarardheere

Howlgallada ayaa lagu dilay horjoogayaal ka tirsan kooxda AS.

  • Soomaliya

    18-03-2024

  • 05:15PM

Diyaaradda Egypt Air oo Duullimaad ka bilaabeysa Muqdisho

Egypt Air ayaa wafdi usoo dirtay Muqdisho si ay qiimeyn u sameeyaan.

  • Soomaliya

    18-03-2024

  • 02:28PM