Qofkii saddexaad oo degaanada Jubbaland ugu dhintay Coronavirus

Image

KISMAAYO, Jubbaland – Dowlad goboleedka Jubbaland ayaa Arbacada maanta ah ku dhawaaqay in qofkii sadexaad uu degaanadda maamulkaas ugu geeriyooday fayruska safmarka ah ee Covid-19.

Wasiirka caafimaadka maamulkaas, Mursal Maxamed Khaliif oo la hadlay Madasha PDRC Talks, ayaa sheegay in ay jiraan dad kale oo u dhimanaya cudurka, balse aysan marin xaqiijinta rasmiga ah.

Isagoo hadalkiisa sii wata, Mursal ayaa wuxuu daboolka ka qaadey in illaa iyo haatan ay xaqiijiyeen 55 qof oo qabta caabuqaas faafa.

Balse, ma jirto cid kasoo bogsootay, wallow wasiirku ka dhawaajiyey in bukaanada ka caafimadaya ay baahan yihiin hubin dheeri ah.

"Lama dhihi karo qofka wuu ka caafimaadey illaa iyo saddex ama laba jeer laga baaro lagana waayo," ayuu hadalkiisa ku daray.

Jubbaland ayaa kaalinta saddexaad kaga jirta liisaska maamulada dalka ee laga soo sheegay kiisaska ugu badan fayruska. Banaadir iyo Puntland ayaa safka hore ku jira, halka Somaliland ay 3aad tahay.

Guud ahaan xaaladaha xanuunka ee waddanka ayaa maraya 1,270. Wuxuu galaaftay 52 ruux oo badankooda ku dhintay magaaladda Muqdisho. Waxaa ka caafimaadey in ka badan 120, sidda xogta ku cad.

GAROWE ONLINE

Related Articles

Labada Jihan ee ku jira Madaxtooyada Soomaaliya oo la kulmay Madaxa amniga Midowga Afrika

Go'aanka ayaa dhigaya in muddo-xileedka madaxweynaha uu dhammaaday, arrintaas oo ay dowladda federaalku ka aragti duwan tahay.

  • Soomaliya

    12-11-2026

  • 12:40PM

Kosovo oo dowladda Soomaaliya weydiisatay halka ay ku sugan yihiin xubno la socday wafdi booqday dalkaas

Warqadda oo ka kooban laba bog, laguna qoray qaabka diblomaasiyadeed ee loo yaqaan Note Verbale, ayaa sidatay tixraaca No. 4868-561/26.

  • Soomaliya

    12-11-2026

  • 09:21AM