RW Khayre: Shirkan oo la isku afgartaa waa Soomaaliya oo xal loo helay

Image

MUQDISHO, Soomaaliya- Ra'isal wasaaraha dowladda Federaalka Soomaaliya Xasan Cali Khayre oo ka hadlayay furitaanka shirka madaxda dowladda dhexe iyo maamul goboleedyada ayaa soo jeediyay in laga wada shaqeeyo hormarka iyo la dagaallanka Al Shabaab.

Khayre wuxuu tilmaamay in kulankan uu leeyahay ajandayaal dhowr ah, balse hadii lagu heshiiyo ay la macno tahay Soomaaliya oo xal loo helay, taasina ay ka imaan karto inta shirkaas ka qayb gashay.

Wasiirka koowaad ee dowladda Soomaaliya, ayaa sidoo kale carrabka ku dhuftay in qaraxii Zoobe ka dhacay 14-kii October laga bartay waxyaabo badan oo ay ugu horayso in lagu baraaruga codowga Shacabka.

Mas'uuliyiinta dowladda, shacabka iyo saxaafadda ayuu sheegay in cid walba ay ka saarantahay waajibaad faraya inay ka hortagaan cadowgaas.

"Lagasoo bilaabo Puntland ilaa Jubbaland, waxaa jooga Daacish iyo Shabaab, taas waxay ka dhigantahay in dadka Soomaaliya ay isugu mid tahay oo ay tahay cadowga kaliya ee dalku leeyahay, marka waxaa loo baahanyahay in cid kasta doorkeeda qaadato sidii loola dagaallami lahaa kooxdaas." ayuu yiri Khayre.

RW Soomaaliya ayaa sidoo kale sheegay inay ka shaqayn doonaan dowlad wanaag iyo hagaajinta xiriirka u dhaxeeya dowladda dhexe iyo maamul goboleedyada.

Khudbadda Khayre oo aad u koobnayd wuxuu kalo ku codsaday in la iska kaashado xoraynta Soomaaliya ee kooxda Al Shabaab.

GAROWE ONLINE

Related Articles

Baarlamaanka Soomaaliya oo doodii ugu dambeysay ka yeeshay Dastuurka

Ajanadaha kulanka maanta ayaa ahaa dib-u-eegista dastuurka marxalada 3-aad.

  • Soomaliya

    28-03-2024

  • 11:23AM

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM