Sarkaal katirsan UNICEF oo lagu dilay Muqdisho

Image

MUQDISHO, Soomaaliya - Mid kamid ah Shaqaalaha ajnabiga ah ee katirsan Hay'adda UNICEF ayaa lagu dilay maanta magaalada Muqdisho ee Caafimadda Soomaaliya.

Goobjooge ayaa Warsidaha Garowe Online u xaqiijiyay in ninkan Ajnabiga ah lagu dhexdilay gudaha xarunta Hay'adda oo ku taalla nawaaxiga Isgoyska Zoobe ee degmada Wadajir, waxaana dilkiisa ka dambeeyay Askari kamid ahaa ilaalada Hay'adda.

Sarkaal katirsan Booliska Soomaaliya ayaa u sheegay GO in ninka la dilay uu u dhashay dalka Uganada, kaasi oo kamid ahaa Saraakiisha sare ee xafiiska Hay'adda UNICEF ee Muqdisho.

Waxaa dilay Askari dhawaan shaqada laga eryay, kaasi oo goobta isaga baxsaday markii uu dilay ninkan u shaqeynayay Hay'adda Qaramada Midoobey u qaabilsan arrimaha carruurta ee UNICEF.

Ciidamada amaanka dowladda Soomaaliya ayaa xarunta la wareegay oo wada baaritaan dilka ku aadan, balse wali ma jirto fahfaahin ay saraakiisha amniga ka bixiyeen dhacdadan.

Ciidamada AMISOM ayaa dilka kadib xarunta kasoo daadgureeyay shaqaalaha kale ee ajnabiga ah, oo ay u qaadeen xarunta Xalane oo ay degan yihiin Hay'adaha UN-ka iyo Saraadaha ajnabiga ah.

GAROWE ONLINE

Related Articles

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM

Shanta ajande uu Xasan Sheekh doonayo in baarlamaanka u ansixiyo

Labo kamid ah qodobadan ayaa la sheegay in madaxweynaha uusan gorgortan ka geli doonin.

  • Soomaliya

    28-03-2024

  • 06:43AM