Sarkaal ku dhintay dagaal Ciidamo kawa tirsan DFS ku dhexmaray Muqdisho

Image

MUQDISHO, Soomaaliya - Iska hor-imaad u dhaxeeya Ciidamo kawada tirsan dowladda Federaalka Soomaaliya, ayaa maanta oo sabti ah ka dhacay magaalada Muqdisho.

Goob-jooge la hadlay Warsidaha Garowe Online ayaa sheegay in Ciidamo ka kala tirsan Militeriga iyo Nabadi Sugida ay is-rasaaseyn mudo daqiiqado ah socotay maanta duhurkii ku dhexmartay Xaafadda Kaawo-Godeey ee demada Dharkeenlay.

Dagaalka oo ka dhashay muran la xiriira dhul ku yaalla Xaafadaasi, ayaa waxaa ku geeriyooday Sarkaal ciidan oo lagu magacaabi jiray Cabdullaahi Xuseen Maxamed [Mangiste].

Sarkaalkan ayaa la sheegay inay haleeshay rasaas xilli uu kasoo baxay Guri halka uu dagaalka ka dhacay ku yaalla, isagoo markaasi aan ka mid ahayn labada dhinac ee iska hor-imaadka u dhaxeeyay.

Ugu yaraan afar qof oo kale oo shacab ah ku jiraan ayaa ku dhaawacmay isku dhaca Ciidamada kawada tirsan dowladda Soomaaliya, kuwaasi oo la dhigay Isbitaallada.

Ciidamo kale ayaa kala dhexgalay markii dambe labada dhinac, iyadoo xaaladda goobta caadi lagu soo celiyay.

Iska hor-imaadkan ayaa kusoo beegmaya maalmo kadib markii Ra'iisul Wasaare Khayre uu ka digay sii socoshada isku dhacyada Ciidamada dowladda u dhaxeeya.

GAROWE ONLINE

Related Articles

Golaha Wasiirada oo ansixiyay heshiiskii soo saarista Shidaalka ee Turkiga

Heshiiska ayaa qoraya in Dowladda Turkiga ay ka caawiso Soomaaliya dhanka wax soo saarka shidaalka.

  • Soomaliya

    27-03-2024

  • 06:12PM

Farmaajo oo dib ugu laabtay Caasimadda Qatar ee Dooxa

Madaxweynihii hore ayaa toddobaadyo ku sugnaa magaalada Muqdisho.

  • Soomaliya

    27-03-2024

  • 12:11PM