Sawirka ku hoos dadan xukuumadda cusub ee ra'iisul wasaare Rooble

Image

MUQDISHO, Soomaaliya – Ra'iisul wasaare Maxamed Xuseen Rooble ayaa magacaabay xukuumaddii 20aad ee Soomaaliya taasoo ka kooban 70 xubnood – 26 wasiir, 26 ku xigeeno, 17 wasiiru dowle iyo ra'iisul wasaare ku xigeen.

Sidda ay muujineyso shaxda, qiyaastii %50 wasiiradda ayaa Xildhibaano ka tirsan hay'adda sharci-dejinta taasoo la aaminsan yahay in looga gol-leeyahay in Golaha Wasiiradda ay codka kalsoonida ka helaan baarlamaanka federaalka.

Si kale hadii loo dhigo, Rooble ayaa leelin doona gole isbedel kooban lagu sameeyay balse u badan wasiirada xukuumaddii dhacdey ee Khayre.

Madaxweynaha, guddoonka Golaha Shacabka, taliyaha NISA iyo xoog-sato siyaasadeed kale ayay "kala yihiin dhinacyadda qeybsaday wasiiradda".

Si walba, xukuumadda Rooble ayaan haysan waqti ku filan oo ay kusoo bandhigto wax-qabad, waxaana inta lagu guda jiro howsha doorashadda oo shaqada ugu weyn u ah macno yeelan doono Wasiirada Amniga, Gudaha iyo Maaliyada.

Maalmo kahor magacaabida xukuumada cusub, Farmaajo ayaa la wariyey in uu la shiray Golihii hore ee Wasiiradda ah. Si lamid ah, wuxuu saacado kahor shaacinta xubnaha cusub uu la qaatay kulan warbaahinta xorta ah aan laga qeybgelin.

Warar ayaa sheegaya in wadahadaladda uu daaranaa in qorshaha ay Villa Soomaaliya ka damacsan tahay kaasoo ah in wasiiradda magacaaban ay ka shaqeeyaan sidii ay Xildhibaano noqon lahaayeen baarlamaanka soo aadan.

Tabtaas oo u muuqata mid qeyb ka ah ololaha dib u soo noqoshada Farmaajo isla markaana Rooble ka dhigeysa madaxa mashruucaas ayaa waxaa caqabad ku noqon kara in wasiirada qaar aysan kalsooni ka haysan dadka ay metelaan.

Xubnaha ku cusub Laanta Fulinta ayaa lagu waramay in ay isugu jiraan laba qeybood; qaar loogu abaalmariyey wadashaqeynta dhow oo dowladda la yeesheen mudadii lasoo dhaafay iyo kuwa mucaaradka lagu jibinayo.

Halkii ay cudurdaar kasiin lahaayeen dadweynaha in aysan fulin balanqaayadii ay sameeyeen balse ay ku fashilmeen, madaxda Soomaaliya ayaa mar walba oo muddo xileedka kasii dhacayo ka shaqeeyo soo kabasho iyagoo waxba qaban.

GAROWE ONLINE

Related Articles

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM

Shanta ajande uu Xasan Sheekh doonayo in baarlamaanka u ansixiyo

Labo kamid ah qodobadan ayaa la sheegay in madaxweynaha uusan gorgortan ka geli doonin.

  • Soomaliya

    28-03-2024

  • 06:43AM