Shir looga hadlayo amniga Soomaaliya oo ka furmay Kismaayo.

Image

KISMAAYO, Soomaaliya - Shir ballaaran oo looga hadlayo amniga guud ee dalka Soomaaliya ayaa ka furmay magaalada Kismaayo, ee xarunta KMG ee dowlad goboleedka Jubbaland.

Cabdirashiid Xasan Nuur "Janan", wasiirka amniga Jubbaland ayaa xaqiijiyay in Shirka uu daah-furay wasiirka amniga Xukuumada Federaalka Soomaaliya Maxamed Abuukar Islow Ducaalle.

Waxaa sidoo kale kulan lagu casuumay Wasiiradda amniga maamul goboleedyada dalka, waxaana looga hadlayaa sidoo la isaga kaashan lahaa sugida amaanka Soomaaliya, iyo sidii la isaga kaashan lahaa la dagaalanka Al Shabaab.

Inta uu socdo Shirkan waxay madaxda isla eegi doonaan qaabka ugu wanaagsan ee loo wajaho Al Shabaab, islamarkaana mas'uuliyadda amniga loogu wada shaqeyn lahaa, maadamaa AMISOM ka bixitaankeeda Soomaaliya uu billaabanayo Dec 31, 2017.

Waxaa la filayaa in gaba-gabada Kulanka ay sooo waaraan Wasiirada amniga qodobada ay ku heshiiyeen ee dhinac amniga ku saabsan, iyadoo dhaqan-gelintiisana loo saari doono Gudi ka shaqeeya, sida illo ku sugan Kismaayo ay u sheegeen GO.

GAROWE ONLINE

 

Related Articles

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM

Shanta ajande uu Xasan Sheekh doonayo in baarlamaanka u ansixiyo

Labo kamid ah qodobadan ayaa la sheegay in madaxweynaha uusan gorgortan ka geli doonin.

  • Soomaliya

    28-03-2024

  • 06:43AM