Somalia: Al- shabaab oo qabsatey degmada Badhaadhe

Image

KISMAYO: Maleeshiyada kooxda Al-Shabaab, ayaa la wareegay gacan ku heynta degmada Badhaadhe oo ay saaka faarujqiyey ciidamada Amisom iyo kuwa maamulka Jubbaland.

Horjoogeyaal ka tisarn kooxdan, ayaa lagu warramayaa inay isku soo bixiyeen dadka magaalada oo ay hadallo u jeediyeen.

Faarax Heybe Macallin oo ka mid ah saraakiisha ciidamada Jubbaland ee ku sugnaa Badhaadhe ayaa VOA u xaqiijiyay in ciidamada Kenya oo ay waheliyaan kuwa Soomaalida ay saaka ka baxeen magaalada Badhaadhe.

Faarax, ayaa sababta ku sheegay in ciidamada lagu amray inay kasoo baxaan Badhaadhe.

Dadka ku nool magaalada Badhaadhe ayaa sidoo kale VOA u xaqiijiyay in magaalada Badhaadhe ay ka baxeen ciidamadii Kenya ee ku sugnaa.

Degmada Badhaadhe ee gobbolka Jubbada Hoose ayaa 180 KM u jirta magaalada Kismaayo, waxaana sadexdii sano ee ugu dambeeyay ku sugnaa ciidamada Kenya.

Dhinaca kale ciidamada Kenya ayaa isag baxey degaanka Ceelcad gobolka Gedo kadib markii xero halkaas ku lahaayeen weerar ururka Al-shabaab kusoo qaadey khasaaro badan ugu gaystey.

Dadka la socda arrimaha ciidamada Amisom ee ku sugan dalka Somalia ayaa sheegeya in dhaqdhaqaaqa KDF u muuqdo mid culeys ay ku sarayaan beesha caalamka madaama ay jirto cabasho ku aadan dhinaca hubka iyo dhaqaalaha.

Ciidamada Amisom oo saldhigyo ku leh inta badan koonfurta Somalia ayaa waxay dhibaato kala kulmaan sida ay isaga difaaci lahaayeen weerarada gaadmada ah ee kaga imaanaya ururka Al-shabaab.

Ka bixista ciidamda Badhaadhe iyo Ceelcad ayaa imaaneysa xilli ciidamada Kenya Jan 15,2016 lagu weerarey xero ku taal degaanka Ceelcad ee ku taal gobolka Gedo halkasoo ururka Al-shabaab ku dileen askar aan tiradooda la shaacin..

VOA+ GAROWEONLINE

Related Articles

Haweeney Lagu Xukumay 15 Sano ka Dib Ururinta $1.2 Milyan oo Al-Shabaab loogu Maalgaliyay

“Dhammaan dadka ku lugta leh falalkan halista ah waxaa la horkeeni doonaa sharciga si cadaaladda loo waafajiyo,” ayaa lagu yiri bayaanka xafiiska.

  • Soomaliya

    16-09-2025

  • 11:46AM

Madaxweynaha Soomaaliya iyo Amiirka Qatar oo Kulan Muhiim ah Ku Yeeshay Doha

Xasan Sheekh ayaa Amiirka Qatar la wadaagay dareenka shacabka iyo dowladda Soomaaliyeed ee ku aaddan garab-istaagga shacabka Qatar.

  • Soomaliya

    15-09-2025

  • 12:24PM