Somalia: Beesha Caalamka oo soo dhawaysay Doorashada Waare

Image

MUQDISHO, Somalia - Saaxiibada Somaaliya, ee Beesha Caalamka ayaa soo dhaweeyay Doorashada Madaxweynaha cusub, ee maamulka HirShabeelle, Maxamed Cabdi Waare.

War qoraal ah oo ay si wadajir ah usoo saareen QM, Midowga Africa, Midowga Yurub, IGAD, Ethiopia, Italy, Sweden, Ingiriiska, Mareykanka ayaa loogu hambalyeeyay Waare Guushiisa uu ka gaarey doorashadii shalay.

Waxay sheegeen inay doorashadii Shalay ka dhacday magaalada Jowhar ay u dhacday hab wanaagsan oo Cadaalad ah, islamarkaana waafaqsan Dastuurka maamulka HirShabeelle iyo rabitaanka shacabka.

Waxaa loogu baaqay dhinacyada kale ee kasoo horjeeda HirShabeelle inay xushmeeyaan natiijada Doorashada, sidoo kalena ay ka fogaadaan ficillada wax u dhimaya hanaanka dowlad-dhisida Somalia.

Madaxweynaha cusub ee HirShabelle Maxamed Cabdi Waare, waa Siyaasi kasoo shaqeeyay Wasaaradda Beeraha xilligii Dowladdii Maxamed Siyaad Barre, waxaana burburkii kadib uu lasoo shaqeeyay Hay'adaha ICRC, FAO, UNDP iyo Laanqeyrta Cas.

Caqabadaha ugu waaweyn ee horyaalla Madaxweynaha cusub, waxaa ugu waaweyn dib u heshiisiinta Beelaha degga Labada gobolka ee maamulkaasi ka kooban yahay ee Shabeellaha Dhexe iyo Hiiraan iyo maamulka cusub ee looga dhisayo Beledweyne ee HiirlaanLand.

GAROWONLINE

Related Articles

Baarlamaanka Soomaaliya oo doodii ugu dambeysay ka yeeshay Dastuurka

Ajanadaha kulanka maanta ayaa ahaa dib-u-eegista dastuurka marxalada 3-aad.

  • Soomaliya

    28-03-2024

  • 11:23AM

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM