​Somalia: Cabdi Xaashi oo loo doortay Gudoomiyaha Aqalka Sare

Soomaliya

MUQDISHU, Somalia- Cabdi Xaashi Cabdullaahi ayaa loo doortay Guddoomiyaha Aqalka Sare ee Barlamanka Federaalka Somalia, kadib coday Xildhibaanadu ka sameeyeen magaalada Muqdishu.

Kursiga Gudoomiyaha Golaha aqalka sare oo ay u tartamay Labo Murashax oo lagu kala magacaabo Cabdi Xaashi Cabdullaahi iyo Mustaf Maxa'ed Qoodax goor dhaweyd soo idlaatey, waxaana guushu raacday mudane Xaashi.

Doorashada waxaa cododkooda dhiibtay 52 Xildhibaan, waxaana wareegga 1-aad cododka ugu badan helay Murashax Cabdi Xaashi oo 43 cod, kaga adkaaday  Mustaf Maxa'ed Qoodax uu helay 9 cod.

Gudiga Doorashada ayaa ku dhawaaqay natiijada doorashada iyo guusha uu gaaray Cabdullaahi.

Waxaa iminka socota codaynta doorashada Guddoomiye ku-xigeenka 1aad ee golaha Aqalka Sare, waxaana ku tartamaya xubnahan;

Xasan Faarax Xujaale

Axmed Xaashi Maxamuud

Cabdiwaaxid Cilmi cumar

Abshir Maxamed Maxamuud

Cabdi Axmed Dhuxulow

Maxamuud Axmed Maxamuud

Cabdirisaaq Cusmaan Cali.

Musharaxiinta Guddoomiye ku xigeenka Labaad;

Hodan Maxamuud Cusmaan

Osmaan Axmed Maxcow

Iftiin Xasan Baasto

fartuun Cabdulqaadir Faarax

Sacdiyo Xasan Cusmaan

Mowliid Xuseen Guuleed

Cabdikaafi Macalin Xasan.

GAROWEONLINE

GAROWEONLINE

Warar la xiriira

HARGAYSA, Somaliland- Murashaxiinta maamulka Somaliland ee saddexda ah ayaa xalay isugu yimid dood ka fool ka fool ah oo ay uga hadlayeen wax qabadkooda iyo sida ay u maamuli doonaan deegaanada Somaliland hadii ay ku guulaystaan doorashada dhici doonta 13 Novermber.

...