​Somalia: Howlgal ka dhan ah Al shabaab oo ka billowday gobolka Baay

Image

BAYDHABO, Somalia- Howlgal military oo ka dhan ah Al shabaab ayaa saaka ka billowday gobolka Baay, kaasi oo ay si wadajir ah u fulinayaan ciidamada maamulka Koonfur Galbeed, oo garab ka helaya kuwa dowladda Federaalka.

Saraakiisha gobolka ayaa sheegay in ujeedka howlgalkan uu yahay sidii malleeshiyada Al shabaab looga saari lahaa deegaanada u dhaxeeya degmooyinka Baydhabo iyo Bardaale iyo isku-furka wadooyinka.

Gudoomiyaha Bardaale Weedow Cali Xasan, ayaa u xaqiijiyay GO in ciidamada huwanta ah ay dileen labo dagaalyahan oo katirsan Al shabaab, kadib markii uu iska hor-imaad ku dhexmaray deegaan 18KM u jira degmada.

Wuxuu intaasi ku daray in ay la wareegeen fariisamo dhowr ah, oo ay ku sugnaayeen Al shabbaab, isagoo intaasi ku daray inay sii wadi doonaan howlgalka cusub inta laga xaqiijinayo amniga Tuulooyinka u dhaxaysa Baydhabo iyo Bardaale.

Dhanka kale, Al shabaab ayaa dhankeeda sheegtay inay iska caabisay duulaan  ciidamada dowladda iyo kuwa KG kusoo qaadeen saldhigyadooda, waxaana ay beenisay in laga qabsadey deegaanno badan.

Kooxdan ayaa kala xirtay wadooyinka isku xira degmooyinkii laga saarey 2014 ee gobolka Baay, oo hadda ay ku sugan yihiin ciidamada dowladda, kuwa KG oo la socdaan Askarta Ethiopia.

GAROWEONLINE

Related Articles

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM

Shanta ajande uu Xasan Sheekh doonayo in baarlamaanka u ansixiyo

Labo kamid ah qodobadan ayaa la sheegay in madaxweynaha uusan gorgortan ka geli doonin.

  • Soomaliya

    28-03-2024

  • 06:43AM