​Somalia: Taliye loo magacaabay laanta Socdaalka iyo Jinsiyadaha

Image

MUQDISHU, Somalia- Wareegto kasoo baxday xafiiska Ra'isal wasaaraha xukuumadda Federalka Somalia ayaa lagu magacaabay taliye cusub oo ay yeelato hay'adda Socdaalka iyo Jinsiyadaha dalka kadib markii mas'uulkii booskaas joogay loo badalay hay'adda nabad sugidda iyo Sirdoonka.

Gaashaanle Sare Maxamed Aadan Koofi ayaa si rasmi ah loogu magacaabay taliyaha laanta socdaalka iyo jinsiyadaha isagoo badalaya Gaafoow oo xilkaasi muddo kabadan 10 sano hayay.

Gaafoow ayaa madaxweynaha dowladda Federalka Somalia Xasan Sheekh Maxamud u magacaabay inuu noqdo taliyaha hay'adda nabad suggidda iyo sirdoon kadib markii uu booskaas ka qaaday Cabdiraxmaan Tuuryare.

Wareegtadan oo uu soo saaray Ra'isal wasare Cumar ayaa lagu sheegay in ninkan uu yahay shakhsi aqoon u leh jagadaas.

Koofi ayaa horay usoo noqday taliyha nabad suggidda gobolka Banaadir isagoo sidoo kale mar xilka kasoo qabtay madaxtooyada islamarkaana ahaa taliyaha ilaalada, wuxuuna wax kusoo bartay waddanka Suudaan.

Dadka aqoonta u leh Gaashaanle Koofi ayaa ku waramaya inuu yahay nin aad u af-gaaban islamarkaana kasoo bixi kara booska loo dhiibay.

Maalmaha soo socda ayaa la filayaa inuu xilkiisa la wareego.

Related Articles

Baarlamaanka Soomaaliya oo doodii ugu dambeysay ka yeeshay Dastuurka

Ajanadaha kulanka maanta ayaa ahaa dib-u-eegista dastuurka marxalada 3-aad.

  • Soomaliya

    28-03-2024

  • 11:23AM

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM