Somalia: Wasiir hore oo ku geeriyooday Muqdishu

Soomaliya

MUQDISHU, Somalia- Wasiirkii hore ee wasaaradda Dekedaha dowladda Federaalka Somalia, Nuur Faarax ayaa saaka ku geeriyooday magaalada Muqdishu caasumadda Somalia, sida ay GO u xaqiijiyeen qaar kamid ah mas’uuliyiinta dowladda.

Nuur Faarax ayaa kamid ahaa golahii wasiirrada Ra’isal wasaare Cumar Cabdirashiid Cali Sharmaake.

Mas’uulkan dhintay ayaa muddooyinkii dambe ku jiray xaalad caafimaad darro iyadoo la dhigay mid kamid ah xarumaha caafimaadka magaalada Muqdishu.

Dhawaan waxaa booqday qaar kamid ah mas’uuliyiinta xukuumadda cusub kuwaasoo ALLE uga baryay inuu siiyo caafimaad taam ah.

Marxuum nuur ayaa muddo soo hayay xilkan, kaasoo usoo magacaabay Cumar Cabdirashiid Cali Sharmaake.

Qaar kamid ah saraakiisha dowladda ayaa tacsi u diray dhammaan ehelkiisa iyo qoyska uu ka dhashay, iyagoo EEBBE uga baryay inuu u naxariistiisa janno ugu deeqo.

Waxaa lagu wadaa in maanta aas-qaran loogu sameeyo magaalada Muqdishu iyagoo la filayo inay duugtaas kasoo qayb galaan saraakiil katirsan golayaasha dowladda.

GAROWEONLINE

Warar la xiriira

MUQDISHU, Somalia- Qarax Ismiidaamin ay, ayaa saaka ka dhacay magaalada Muqdishu, ee caasumdda dalka Somalia, kaasoo gaystay khasaaro kala duwan.

Goob-joogayaal la hadlay  Warsidaha Garowe Online, ayaa xaqiijiyay in Weerar loo adeegsaday Gaari Nooca HOMY-d ...