Soomaaliya: Cabsi soo wajahday Shacabka Beledweyne
BELEDWEYNE, Soomaaliya - Shacabka ku dhaqan magaalada Beledweyne, ee xarunta gobolka Hiiraan ayaa soo wajahday cabsi xooggan oo ku aadan fatahaad uu kusoo sameeyay degmada Webiga Shabeelle.
Webiga Shabeelle oo mara magaalada ayaa aad u buux dhaafiyay, waxaana uu billaabey inuu qarka jabsado oo uu ku fataho deegaanno dhowr ah oo ku teedsan Beledweyne.
Xaafadaha kala duwan ee magaalada, gaar ahaan Xaawo Taawo oo ku gaabiga u saaran Webiga ayaa dadkii deganaa billaabay inay barakacaan, iyadoo dhanka kale maamulka degmada uu wado dedaallo carro-tuur oo looga gaashaamanayo fataahad dhacda.
Wararka aan ka helay Saraakiisha maamulka ayaa sheegaya in hakad la geliyay howlihii Garoonka diyaaradaha magaalada Beledweyne, sababo la xiriira cabsida fatahaadda Webiga Shabeelle.
Roobabka Guga ayaa ka da'aya gobollada dalka, waxaana meelaha qaar lagu soo waramayaa inuu geestay khasaarooyin kala duwan, haba ugu darnaadeene dadka barakaciyaasha ah ee aan haysan guryo wanaagsan oo dhibicda roobka ka galaan.
GAROWE ONLINE