Soomaaliya: Duqeyn Cirka ah oo ka dhacday Shabeellaha hoose

Image

AWDHEGLE, Soomaaliya - Duqeyn dhanka cirka ah, ayaa xalay waxay ka dhacday gobolka Shabeellaha hoose, taasi oo lala eegtay Kolonyo gaadiid ah, oo ay la socdeen hogaamiyaal sare oo katirsan Al shabaab.

Ahmed Ibrahim, oo kamid Saraakiisha ciidamada gobolka, ayaa u xaqiijiyay Warsidaha Garowe Online in diyaarado loo maleynayo kuwa Militariga Mareykanka ay bartilmaameedadeen Gaadiidka Al Shabaab, xilli ay kusii jeedeen tuulada Awdheegle.

Wuxuu sheegay in dhawaqa qaraxyada gantaallada lagu garaacay Al Shabaab ay ka maqlayeen meel fog, islamarkaana ay heleen xog ku saabsan inay dhinteen dhamaan hogaamiyaashii la soctay baabuurtaasi la duqeeyay.

Ma cadda tirada xubnaha Al Shabaab looga dilay duqeynta, iyadoo goobtuna ay aad u adag tahay inay Saxaafadda booqato maadaama ay kooxdan ay maamusho.

Lama oga sidoo kale halka laga leeyahay Diyaaradaha fuliyay weerarka, balse waxaa loo maleynayaa inay ka dambeeyaan ciidamada Mareykanka, ee ka howlgala Soomaaliya, kuwaasoo ka gacan siiya AMISOM iyo ciidanka dowladda dagaal kula jira Al shabaab.

Weerarka wuxuu kusoo aadayaa maalmo kadib markii qarax weyn oo ka dhacay Isgoyska Zoobe ay ku dhinteen in ka badan 300 oo qof, oo u badan dad shacab ahaa.

GAROWE ONLINE

Related Articles

Qarax laga maqlay caasimadda waddanka Sacuudiga

Maamulka Madaarka caalamiga ah ee King Khaled ee Riyadh ayaa sheegay in ay jiraan dib u dhacyo duulimaad, laakiin ilaa hada lama cadeyn in ay xiriirto dhacdadan.

  • Soomaliya

    23-01-2021

  • 05:17PM

Maxaa kasoo baxay wadahadaladii doorashooyinka?

Wadaxaajoodyadda ayaa u dhaxeeyay dowladda, maamulada, musharaxiinta iyo wakiilada Beesha Caalamka.

  • Soomaliya

    23-01-2021

  • 10:49AM