Soomaaliya: NISA oo weerar ku qaadey guriga Cabdiraxman Cabdishakur

Image

MUQDISHO- Ciidamada dowlada Soomaaliya ayaa weerar ku qaadey galinkii dambe ee caawa gurriga siyaasi Cabdiraxman Cabdishakur halkaasoo wararka soo gaaraya Garowe Online sheegayaan in xabsiga loo taxaabey iyadoo howlgalkaan uu sababey dhimasho iyo dhaawac.

Wararka soo gaaraya warsidahaan ayaa xusaya in ilaalada guriga Cabdiraxman Cabdishakur qaar ka tirsan weerarkaan ku dhinteen halka siyaasigaan oo wayadaan dambe mucaarad xoogan ku ahaa dolwada Madaxweyne Farmaajo dhaawac fudud soo gaarey.

Xogta aan ka heley qaar ka tirsan dad u dhow Siyaasi Cabdiraxman ayaa sheegeysa in ciidankaan ku dabiibeen dhaawaciisa isbitaalka Digfeer halkaas oo ay horey ugu sii gudbyeen xarunta hay'ada sirdoonka ku leedahay magaalada Muqdisho.

Cabdiraxman Cabdishakur oo kamid ahaa musharaxiinta Madaxweynaha doorashadii dalka ka dhacdey horaantii sanadkaan ayaa lala qabtey sarkaal hore uga tirsanaan jirey dekada magaalada Muqdisho kaasoo marka weerarkaan dhacayey ku sugnaa gurigiisa.

Weerarka ciidamadaan ayaa yimid kadib markii maalintii shaley Xeer Ilaaliyaha Qaranka eedeymo u jeediyey labo Xildhibaan oo ka tirsan aqalka hoose ee Barlamanka Federaalka isagoo codsadey in xasaanada laga qaado si loogu soo oogo dambiyo ay ka galeen qaranka waa sida uu hadalka u dhigaye.

Talaabada Villa Soomaaliya ku soo qabatey Cabdiraxman Cabdishakur ayaa noqonaysa boog cusub ee siyaasadeed iyadoo wararku sheegayaan in falkaan yahay mid lagu cabsi galinayo mucaaradka madaxda sare oo maalmahaan kor u sii kacayey.

GAROWE ONLINE

 

Related Articles

Fiqi: Taiwan waxay mashruuc halis ah kawadey Soomaaliya

Fiqi waxaa hadda loo magacaabey Wasiirka difaaca dalka, isagoo intii uu joogay wasaaradda arrimaha dibadda aad u xumaadey xiriirka dibadd.

  • Soomaliya

    03-05-2025

  • 12:24PM

Puntland: Weerar Daacish ku qaaday Saldhig Ciidan oo ku yaalla Dhasaan oo la fashiliyey

Mas’uuliyiintu waxay sheegeen in howlgallada ka socda buuraha Calmiskaat ay sii socon doonaan ilaa laga baabi’inayo khatarta kooxda Daacish.

  • Soomaliya

    03-05-2025

  • 11:15AM