Taliyeyaal cusub oo loo magacaabay Booliska, NISA iyo Asluubta
MUQDISHO, Soomaaliya - Gollaha Wasiiradda Xukuumadda Federaalka Soomaaliya ayaa goordhaw ansixiyay magacaabista Taliyeyaasha cusub ee Booliska, NISA iyo Asluubta.
Shir aan caadi ahayn oo maanta ay ku yeesheen Villa Soomaaliya, ayaa Gollaha waxa uu meel-mariyay magacaabista cusub, ee Hay'adaha Amniga dalka.
Taliyaha Booliska waxaa loo magacaabay Jeneraal Bashir Axmed Maxamed, iyadoo Taliyaha NISA laga dhigay Xuseen Cismaan Xuseen, oo hadda ah ku xigeenka Wasiirka Caafimaadka.
Waxaa sidoo kale la magacaabey Taliyaha Ciidamada Asluubta oo lagu soo celiyay Jeneraal Bashiir Maxamed Jaamac [Bashiir Goobe].
Magacaabistan ayaa waxay timid kadib markii sanadkii tagey xilalka laga qaaday Taliyeyaashii Booliska iyo Nabad Sugida Sanbaloolshe iyo Saacid.
Wasiiru dowlaha Xafiiska Ra'iisul wasaraha, Cabdullahi Xaamud Maxamed ayaa warbaahinta u akhriyay ansixinta Taliyeyaasha cusub ee NISA, Booliska iyo Asluubta.
GAROWE ONLINE