Villa Soomaaliya oo ka hadashay geerida Kofi Annan

Image

MUQDISHO, Soomaaliya - Xoghayihii 7aad ee Qaramadda Midoobey, Kofi Annan ayaa shalay ku geeryooday dalka Switzerland, isagoo 80 jir ah, waxaana dhimashadiisa loo tiiriyay xanuun kusoo booday.

Madaxtooyadda dalka Soomaaliya oo ka hadashay geerida Annan waxay tilmaamtay inay aad uga murugooneyso dhimashadda Kofi Annan, waxayna ku dhimaamtay sharci-dijiye aan caadi ahayn, kaasoo waqtigiisa u huray inuu dunida wanaajiyo.

"Aad ayaan uga muragooneynaa dhimashada Kofi Anan. Waxuu ahaa sharci-dejiye, kaasoo ay ka go'an tahay inuu ka shaqeeyo sidii uu dunida uga dhigi lahaa mid wanaagsan," ayaa lagu yiri qoraal lasoo dhigay barta Twitter-ka ee Villa Soomaaliya.

Annan ayaa waxa uu diblumaasi sarre, kaasoo udhashay dalka Ghana ee Qaaradda Afrika waxa uuna xilka Xoghayaha guud ee Qaramadda Midoobey uu hayay intii udhaxeysa January 1997 iyo December 2006, xili Villa Soomaaliya ay amaanta howlahiisa.

"Aad baan uga naxnay geerida Kofi Annan. Wuxuu ahaa dimlomaasi caalami ah oo ka go'nayd inuu ka shaqeeyo nabada caalamka. Waxuu waqtigiisa u huray hel u helida colaadaha. Dhaxalkiisa wuu sii noolaan doonaa," ayaa lagu yiri qoraalka Villa Soomaaliya.

Annan ayaa intii uu hayey Jagadda Xoghayaha guud ee QM ayaa waxuu dhowr mar jeer oo kala duwan uu soo booqday magaaladda caasimada ah ee Muqdisho, waxaana uu kaalin wayn kasoo qaatay xal u helista dagaalada garaadiyay Soomaaliya.

Geeridda lama filaanka ah ee ku timid Kofi Annan waxaa si wayn uga fal-celiyay caalamka, iyadoo hoos lo dhigay calanka Qaramada Midoobey, si loogu xushmeeyo xogyihii hore, oo mudo 10 sano ah soo hogaamiyay.

GAROWE ONLINE

Related Articles

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM

Shanta ajande uu Xasan Sheekh doonayo in baarlamaanka u ansixiyo

Labo kamid ah qodobadan ayaa la sheegay in madaxweynaha uusan gorgortan ka geli doonin.

  • Soomaliya

    28-03-2024

  • 06:43AM