Wararkii ugu dambeeyay dagaal ka dhacay duleedka Kismaayo

Image

KISMAAYO, Soomaaliya - Warar dheeraad ah ayaa kasoo baxay dagaal shalay oo Talaado ahayd ka dhacay deegaanka Araare oo ku dhow Tuulada Baar-sanguuni ku dhex-maray ciidamadda Soomaaliya iyo xoogaga Al-Shabaab.

Ciidamadda Huwanta ah ee Soomaaliya, oo isugu jira kuwa xooga dalka iyo waliba Daraawiishta maamulka Jubbaland oo ku sugan deegaanka ay soo weerareen Dagaalyahano ka tirsan Al-Shabaab.

Inta la xaqiijiyay dagaalkaan waxaa ku dhintay Tobban qof oo labadda dhinac ah, iyadoona uu jiro khasaaro dhaawac oo intaas ka badan, kuwaasoo soo kala gaarey labadda dhinac.

Lix kamid ah Tobbanka dhimatay waa Al-Shabaab, sida ay sheegteen taliska ciidamadda xooga ee Jubbada Hoose, halka afarta kale ay yihiin Askar ka tirsan ciidamadda xooga dalka Soomaaliya.

Ciidamadda weerarkaan Dhabagalka ah la kowdsaday ayaa waxay wadeen Sahmin ay ku doonayeen inay Saanad ciidan ku gaarsiiyaan kuwa kale oo Aaga difaaca uga jira degmada Jilib ee Jubadda Dhexe.

Xaaladda meesha ay wax ka dhaceen oo ah Tuuladda/Buundada Araare ayaa waxay tahay maanta oo Arbaco ah mid degan, inkasta oo ay jiraan dhaqdhaqaaqyo ciidan oo ay wadaan labadda dhinac.

Al-Shabaab dhankooda wali wax war ah kama soo saarin dagaalkaan cuslaa oo ay ciidamadda dowladda oo kaashana kuwa Daraawiishta Jubbaland ay kula galayn gobolka Jubbadda Hoose.

Jubbaland ayaa horey ugu dhawaaqday Guluf dagaal oo ka dhan ah Al-Shabaab, iyadoona hadda tahay deegaanadeeda maalaha ugu badan oo ay ka socdaan dagaalada ka dhanka ah Shabaab, marka Shabeellaha Hoose laga soo tago.

GAROWE ONLINE

Related Articles

Baarlamaanka Soomaaliya oo doodii ugu dambeysay ka yeeshay Dastuurka

Ajanadaha kulanka maanta ayaa ahaa dib-u-eegista dastuurka marxalada 3-aad.

  • Soomaliya

    28-03-2024

  • 11:23AM

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM