Wasiirka Amniga Soomaaliya oo ka hadlay dil ka dhacay Muqdisho

Image

MUQDISHO, Soomaaliya - Wasiirka Amniga ee xukuumadda Federaalka Soomaaliya, Maxamed Abuukar Islow oo la hadlay warbaahinta dowladda ayaa sheegay in laamaha amaanka ay Muqdisho ku toogteen Axadda maanta ah xubin ka tirsan Al-Shabaab.

Toogashadda ayuu tilmaamay inay timid markii uu ninka la toogtey ku dilay Askari ka tirsan Milatariga Soomaaliya Isgoyska Suuq Bacaad ee degmadda Yaaqshiid, isagoo kadibna isku dayay inuu ka baxsado goobta uu ku geystay dilka, siduu hadalka u dhigay.

"Laamaha amaanka waxaa usuura-gashay inay toogtaan Dhagar-qabe Al-Shabaab ka tirsan kaasoo dilay Askari ka tirsan Milatariga dalka. Waxaana xoojin doonaa howlgalada ka dhanka ah Shabaab si loo xaqiijiyo nabad-gelyadda," ayuu yiri Wasiirka.

Ma jirto illaa iyo haatan jawaab ay Kooxda xiriirka la leh Al-Qaacidda ee Al-Shabaab ka bixisay warka kasoo yeeray dowladda, iyo Askariga la sheegay inay ku khaarijiyeen maanta Isgoyska Suuq Bacaad ee Magaaladda caasimadda ah ee Muqdisho.

Maalmihii udambeeyay falalka liddi ku ah oo ay geysanayaa kooxaha Khal-khal gelinaya amaanka ee Al-Shabaab iyo Daacish ayaa kordhayay, inkasta oo Hay'addaha nabad-gelyadda ay ku howlan yihiin sidii ay uxakamayn lahaayeen falalkaas.

Hadalka Wasiirka Amniga ayaa kusoo beegmaya xili dhowaan amaanka Magaalada caasimada ah ee Muqdisho lagu wareejiyay Booliska, islamarkaana la faray ciidamadda kale inay isaga baxaan guud ahaan Magaalo madaxda dalka Soomaaliya.

GAROWE ONLINE

Related Articles

Villa Somalia oo dalacsiin ciidan ku raadineysa taageerada beesha Xawaadle xili kacdoon ka jiro Hiiraan

Ilo-wareedyadu ma aysan shaacin tirada guud ee dadka la dalacsiiyay, magacyadooda ama hay'adaha ay ka tirsan yihiin.

  • Soomaliya

    12-11-2026

  • 08:31PM

Labada Jihan ee ku jira Madaxtooyada Soomaaliya oo la kulmay Madaxa amniga Midowga Afrika

Go'aanka ayaa dhigaya in muddo-xileedka madaxweynaha uu dhammaaday, arrintaas oo ay dowladda federaalku ka aragti duwan tahay.

  • Soomaliya

    12-11-2026

  • 12:40PM