Wasiirka Isgaarsiinta DFS oo sheegey waqtiga dib loo helayo adeega Internet Fiber Optic

Soomaliya

MUQDISHU, Somalia- Wasiirka Isgaarsiinta Dowlada Federaalka Somalia Cabdi Cashuur ayaa  sheegey in Markabkii ka shaqeyn lahaa ciladii ku yimid Internet-ka fiber Optic uu maalintii Talaadada soo gaarey halka filada kasoo leexato.

"Marka kii ciladbixin lahaa  Internet Fiber Optica waxa uu soo gaarey duleedka Muqdishu maalintii Talaadada waxana la filayaa in maalinta Jimacaha uu ku soo dhowaado dekada Muqdishu" sidaas waxaa yiri wasiirka oo ka hadlayey ciladbixinta Internet.

Cabdi Cashuur aya sheegey in la filayo in maalinta Axada dib u soo noqdo adeegii Internetka isagoo sheegey in ciladu kaga jirto meel aan ka fogeyn xarunta Xalane.

Dhinaca kale Wasiirka Isgaarsiinta dowlada Federaalka Somalia ayaa beeniyey warar sheegaya in adeega Internet loo goostey deyman lagu yeeshey shirkadaha Isgaarsiinta.

GAROWEONLINE 

Wararkii ugu dambeeyey