Wiil uu dhalay Amiirka Al Shabaab oo howlgal lagu dilay

Image

KUNTUWAREY - Wiil uu dhalay Amiirka Al Shabaab iyo Horjoogayaal ayaa lagu dilay Howlgal gaar ah oo Ciidamada Kumaandooska Dowladda Federaalka Soomaaliya ka fuliyeen gobolka Shabeellaha Hoose.

Idaacadda ku hadasha Afka Ciidamada Xoogga dalka, ayaa baahisay warar sheegaya in Howlgalka lagu dilay Xasan Axmed Diiriye, oo uu dhalay hogaamiyaha Al Shabaab Axmed Diiriye [Abu Cubeyda].

Howlgalka oo ay ka qeyb-qaateen Ciidamo Mareykanka u dhashay ayaa laga fuliyay xalay saqdii dhexe degmada Kuntuwarey, oo ay maamusho Al Shabaab, sida ay sheegtay Idaacadda Ciidamada.

Waxaa sidoo kale ku dhintay Howlgalka qorsheysan xubno gaaraya 12 iyo Hogaamiyaal kale oo ay kamid ahaayeen Yuusuf Macalin Cabdalla iyo Maxamuud Maxamed Nuur (Faruur).

Ma jirto wax war ah oo kasoo baxay dhanka Al Shabaab oo ku aadan howlgalka la sheegay inuu ka dhacay degmada Kuntuwarey iyo dilka wiilka hogaamiyaheeda, oo aan la ogeyn halka uu ku sugan yahay.

Ciidamada Kumaandooska Soomaaliya ayaa la howlgala Ciidamada Mareykanka ee tababarka siiyay kuwaasi oo saldhigyo ku leh deegaanka Balli Doogle, ee gobolka Shabeellaha Hoose.

GAROWE ONLINE

Related Articles

Muxuu Trump u diiday inuu lacag ku bixiyo howlgalka cusub ee Midowga Afrika ee Soomaaliya?

Howlgalka ATMIS oo la filayo inuu gebi ahaanba baxo dabayaaqada sannadkan ayaa weli ku leeyahay mushaarooyin iyo gunnooyin gaaraya ilaa $100 milyan.

  • Soomaliya

    10-05-2025

  • 05:31PM

Firdhiye oo Xasan Sheekh la wadaagay Warbixin ku saabsan Xaaladda SSC-Khaatumo

Firdhiye ayaa uga mahadceliyay sidoo kale Xasan Sheekh casuumaadda uu usoo diray ee ka qeybgalka Shirka Gollaha Wadatashiga Qaran.

  • Soomaliya

    10-05-2025

  • 04:15PM