Xukuumada Gaas oo gaadiidka xamuulka ku joojineysa Galkacayo

Image

Arbaco, September 3, 2014 [GO]-Qoraal ku taariikhaysan 20 August,2014 oo kasoo baxey Wasaarada Arrimaha Gudaha , nuqul kamid ah-na soo gaarey warsidaha GO ayaa faraya dhamaan Gudoomiye-yaasha gobolada iyo kuwa degmooyinka iney joojiyaan baabuurta xamuulka ee isaga gooshta Puntland iyo gobolada Konfureed.

Wasiirka Arrimaha Gudaha Puntland ayaa faraya Gudoomiyaha gobolka iyo degmada iney joojiyaan gadiidkaan u kala gooshaya Koonfurta Somalia iyo Puntland islamarkaana u sameeyaan goobo cayiman oo lagu kala wareejiyo badeecadaha ay sidaan laga bilaabo 25 Sept,2014.

Wareegtadaan ayaa sidoo kale amreysa in Wasardaha iyo hay'adaha ku shaqo leh howshaan ka caawiyaan gobolka Mudug.

Qoraalkaan ayaa abuurey hadal hayn farabadan iyadoo ganacsatada reer Puntland oo badeecadahooda u safrin jirey Koonfurta Somalia lagu joojinay gadiidkooda magaalada Galkacayo halka kuwa Koonfurta Somalia ka yimaadana halkaas so dhaafi karin.

Go'aankaan kasoo baxey xukuumada Madaxweynaha Puntland Cabdiweli Cali Gaas ayaa ku abuureysa degaanada Puntland khalkhal ganacsi halka qaar ka tirsan ganacsatada oo la hadley GO sheegeen in badeecadaha uga yimaada Koonfurta deganadaan joogsan karaan ama kusoo gaari karaan magaaloyinka waaweyn qiimo badan sababtoo ah waxey la kulmayaan cashuur, kireyn bakhaaro iyo kharashiyaad kale oo la xiriira dajinta iyo rarida gadiidka la xanibay.

Rugta ganacsiga Puntland ayaan weli ka hadlin go'aankaan kasoo baxey Wasaarada arrimaha Gudaha.

GAROWE ONLINEHoos ka akhri qoraalkaan oo PDF ah

Related Articles

Baarlamaanka Soomaaliya oo doodii ugu dambeysay ka yeeshay Dastuurka

Ajanadaha kulanka maanta ayaa ahaa dib-u-eegista dastuurka marxalada 3-aad.

  • Soomaliya

    28-03-2024

  • 11:23AM

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM