​Somaliland: Barlamanka oo ansixiyay hishiiska DP World

Image

HARGAYSA, Somaliland- Waxaa saaka lasoo afmeerayay doodda Barlamanka Somaliland ee ku qotontay hishiiska xukuumadda uu hogaamiyo Axmed Maxamed Maxamud Siilaanyo la gashay shirkad Imaaraad ah oo lagu magacaabo DP World.

Hishiiska labada dhinac oo qeexaya in la ballaarinyo dekedda Berbara ayaa waxaa la horgeeyay golaha wakiillada 06 Augusto ee sannadka iyadoo doodiisu bilaabay shalay.

Barlamanka ayaa ugu dambayn maanta go'aan ka gaaray, waxayna cod aqlabiyad leh ku meelmariyeen hishiiska labada dhinac.

Kulanka oo ay joogeen 74 mudane ayaa waxaa ogolaatay 69 Xildhibaan, waxaa diiday Afar kale iyadoo uusan coddayn Guddoomiyaha Barlamanka Somaliland Cabdiraxmaan Cirro oo kulanka shir Guddoominayay.

Hishiiska ayaa sidaas ku meelmarayay iyadoo horay usoo ansixiyeen golaha xukuumadda Somaliland.

Aragtiyo kala duwan ayaa qorshahan ka qabaan dadka reer Saaxil, waxaana tan iyo markii la billaabay hishiiskan magaalada Berbara ka dhacayay mudaharaadyo kala duwan kuwaasoo looga soo horjeedo in lagu wareejiyo Dekaddan shirkadda DP World oo qaadan doonta 60% kharashka soo xarooda marka la dayactiro.

GAROWEONLINE

Related Articles

Maamulka Somaliland oo Itoobiya kala hadlay muran-xuduudeedka kala dhaxeeya SSC-Khaatumo

Labada dhinac ayaa ka wada hadlay sidii kor loogu qaadi lahaa iskaashiga dhinaca ammaanka.

  • Somaliland

    04-03-2024

  • 02:11PM

Itoobiya oo u dhaqaaqdey fulinta heshiis beenaadkii Somaliland

Talaabadan ayaa waxa ay kusoo aadaysaa xilli Ra'iisul Wasaaraha Itoobiya Abiy Axmed uu ku sugan yahay Kenya halkaas oo uu kawado olole xoogan.

  • Somaliland

    28-02-2024

  • 04:51AM