Somaliland: Duqa magaalada Boorama oo isku day dil ka badbaadey

BOORAMA, Somaliland – Fahfaahino dheeraad ah ayaa waxay kasoo baxayaan weerar xalay lagu qaadey guriga duqa magaaaladda Booroma, Saleebaan Xasan Xadi, sidda uu isagu u xaqiijiyey warbaahinta gudaha.

Kooxo hubeysan oo heybtooda aan la aqoonsan ayaa waxaa lagu waramay in ay rasaas ooda uga qaadeen afafaafka hore ee hoyga.

Dadka degaanka xarunta gobolka Awdal ayaa shaaca ka dhigay in ay maqleen daryenka rasaas culus "oo u muuqatay iska hor-imaad".

Mr Xadi oo war-fidiyeenka ugu waramay khadka telefoonka ayaa daboolka ka qaadey in uu badqabo isla markaana aysan dhibaato soo gaarin.

Wararka ayaa intaas ku daraya in xilliga uu falkaas dhacayay ay guriga ku sugnaayeen inta badan xubnaha qoyska mas'uulka, wallow ay badqabaan.

Ma jirto koox illaa iyo haatan dusha saaratay mas'uuliyadda duulaankaas oo imaanaya xili bilooyinkii u dambeeyay ay soo kordhayeen falal noocaas ah.

Jabhado u abaabulan qaab beeleed ayaa ka jira qaybo kamid ah degaanada maamulka gooni u goosadka ah ee Somaliland, kuwaas oo sheegay in hab-dhaqanka xukuumadda Biixi ku qasabtay in ay hub qaataan.

GAROWE ONLINE