Somaliland oo Xabsi sanado ah ku riday Naciima Abwaan Qorane

Image

HARGEYSA, Somaliland - Maxkamadda ku taalla magaalada Hargeysa, ee xarunta maamulka Somaliland ayaa xukun xabsi ah ku riday Naciima Abwaan Qorane.

Gabadhan oo ah Abwaanad curisa gabiyada, sidoo kalena ah qoraa ayaa lagu xukumay xukun 3 sano oo xabsi ah, kadib markii lagu eedeeyay inay barteeda Facebook ku qortay qoraallo wax u dhimaya jiritaanka Somaliland, midnimadiisa iyo wadajirkiisa.

Naciima Abwaan Qorane ayaa lagu xiray Garoonka Cigaal ee magaalada Hargeysa 27-kii January, 2017, xilli ay kasoo laabatey Muqdisho oo ay uga soo qeyb-gashay madasha TEDx, oo ay ka tirisay gabayo ay uga hadlayso midnimada Soomaaliya.

Inta aan la xirin oo ay ku sugnayd magaalada Muqdisho, Naciima ayaa sheegtay in loo soo diray fariimo loogu hanjabay in la dilayo hadii ay ku noqoto Somaliland.

Somaliland oo sheegtay inay ka go'day Soomaaliya 1991, ayaa xabsi dhigtay shaqsiyaad caan ah, oo isagu jiray Suxufiyiin, Abwaanno iyo Fanaaniin kadib markii ay tageen Muqdisho, oo u ololeyeen Soomaali weyn iyo midnimo dalka.

GAROWE ONLINE

Related Articles

Maamulka Somaliland oo Itoobiya kala hadlay muran-xuduudeedka kala dhaxeeya SSC-Khaatumo

Labada dhinac ayaa ka wada hadlay sidii kor loogu qaadi lahaa iskaashiga dhinaca ammaanka.

  • Somaliland

    04-03-2024

  • 02:11PM

Itoobiya oo u dhaqaaqdey fulinta heshiis beenaadkii Somaliland

Talaabadan ayaa waxa ay kusoo aadaysaa xilli Ra'iisul Wasaaraha Itoobiya Abiy Axmed uu ku sugan yahay Kenya halkaas oo uu kawado olole xoogan.

  • Somaliland

    28-02-2024

  • 04:51AM