​Madaxweyne Gaas oo u safray Muqdishu [Dhagayso]

Image

GAROWE- Madaxweynaha Puntland Cabdiwali Maxamed Cali (Gaas) iyo wafdi uu hogaaminayo, ayaa maanta ka ambabaxay magaalo madaxda Garowe iyagoo kusii jeeda caasumadda Somalia ee Muqdishu.

Gaas, ayaa ka qayb galaya shirka madasha Qaran oo maalinta barri ah [29 May, 2016], ka furmaya caasumadda Somalia, kaasi oo ay isugu imaan doonaan madaxda maamul goboleedyada iyo kuwa dowladda Federalka.

Madaxweyne Gaas oo saxaafadda kula hadlay garoonka diyaaradaha Canoco, ayaa sheegay inuu aadi doono magalada Muqdishu oo muddo saddex bari ah kasocon doono shir looga hadlayo qaabkii loo dardar galin lahaa nidaamka doorashada Somalia, isagoo intaasi ku daray inuu shirka kadib kusoo laaban doono caasumadda Garowe.

Hadalkan, ayaa meesha kasaaraya safar la qorsheeyay inuu madaxweynuhu ku aado waddanka isutagga imaaraadka Carabta.

Kulankan, lagu qabanayo Muqdishu, ayaa qorshuhu ahaa inuu ka dhaco caasumada Garowe sida uu madaxweyne Gaas kusheegay shir jaraa'id oo ku qabtay madaxtooyada xilli uu kasoo laabtay Muqdishu.

Waxaa sidoo kale baaqday kulan 26 bishan ka furmi lahaa Garowe, kaasi oo looga hadli lahaa dastuurka Somalia. Ilaa hadda lama garanayo sababta baajiyay.

Safarkan waxaa madaxweynaha ku weheliyay, guddoomiye ku-xigeenka labaad ee Barlamanka Somalia, Mahad Cabdalla Cawad oo xarunta Puntland u yimi arrimo la xiriira shirka baaqday ee dastuurka Somalia.

GAROWEONLINE

Related Articles

Booliska Puntland oo lagala hadlay ka hortaaga xaalufinta deegaanka

Isku xirnaanta Wasaaradda Degaanka iyo Isbedelka Cimilada iyo Hogaanka Booliska ayaa sidoo kale looga hadlay shirkan.

  • Puntland

    27-03-2024

  • 04:28AM

Qardho: Mashruuc horseeday jarista dhir baaxad leh oo laga digay

Wasaaradda deegaanka iyo Isbedelka Cimiladda ee Puntland ayaa ku baaqdey in degdeg loo joojiyo jarista dhirtan.

  • Puntland

    26-03-2024

  • 01:41PM