Soomaliya

Diyaaradahii Qaadka oo laga wareejiyay Muqdishu

MUQDISHU, Somalia- Diyaaradihii Qaadka keeni jiray magaalada Muqdishu ayaa loo wareejiyay gobolka Shabeellaha dhexe, kadib markii lagu siyaadiyay canshuurta ay ka qaado wasaaradda Maaliyadda Somalia.

Majirin wax diyaarad ah oo maanta soo cago dhigatay madaarka Aadan Cabdulle Cismaan.

Mid kamid ah Shaqaalaha Garoonka Aadan Cadde ayaa GO u sheegay in arintan ay timid markii khilaaf soo kala dhexgalay Wasaarada Maaliyadda dowladda Federaalka Somalia iyo Ganacsatada qaadka.

Ganacsatada qaadka waxay tilmaameen in Diyaaradaha ay ka degi doonaan wixii ka dambeeyay maanta oo Khamiis ah [April 20] Garoonka Diyaaradaha magaalada Jowhar, ee xarunta maamulka HirShabelle.

Dhowr diyaaradood ayaa maanta soo cago dhigtay magaalada Jowhar, waxaana jaadka caasumadda Somalia lagu gayn doonaa gawaari.

Majiro wax war ah oo illaa hadda kasoo baxay Wasaaradda Maaliyadda Somalia oo ku saabsan muranka keenay in Ganacsatada ay u weeciyaan Diyaaradahii Qaadka ka keeni jiray Kenya, magaalada Jowhar.

GAROWEONLINE

Warar dhereead ah

Wararkii ugu dambeeyey