​4 qof oo u dhimatay Sun lagu weeraray Xalab

Image

XALAB, Suuriya- Waxaa goobaha caafimaadka magaalada Xalab ee dalka Suuriya la jiifiyay bukaano kala duwan oo qaybtood ku dhaawacmeen weeraro halkaasi ka dhacay maalmihii u dambeeyay.

Dagaalkaasi oo u dhaxeeyay mucaaradka, dowladda iyo dalalka taageersan ayaa waxaa ku dhintay 4 qof.

Sun Kiimiko ah ayaa loo malaynayaa in dagaalkaasi loo adeegsaday, waxaana baaritaano ay sameeyeen dhaqaatiirtu heleen dad badan oo jirkooda ku faaftay Sun.

Suntaasi ayaa la saadaalinayaa in ay tahay kiimikada kalooriin oo hawada laga soo riday, taasoo lala eegtay qaybta mucaaradku ka joogaan magaalada.

Dowladda iyo mucaaradka Suuriya ayaa horey labaduba u beeniyay in ay hubka kiimikada ay u isticmaaleen dagaalka.

Dagaalka ayaa wali socda, waxaana jira dadaallo lagu doonayo in lagu hakiyo waqtiyada qaybtood si gar-gaar loo gaarsiiyo dadka tabaalaysan.

Wasaaradda Gaashaandhigga Ruushka ayaa sheegtay in ciidamadooda ku sugan magaalada Xalab ay maalintii Saddex Saac howlgalka joojinayaan si gar-gaar loo gaarsiiyo dadka mucaawinada u baahan.

Xaaladda magaalada Xalab ayaa haatan u muuqata mid faraha ka baxday, waxayna daris la noqota daryanka madaafiicda iyo duqaymo joogto ah.

Kumaanaan kamid ah dadkii joogay halkaasi ayaa qaxay, halka kuwo kale ku naf-waayeen weerarada aan waqtiga lahayn ee u dhaxeeya ciidamada daacadda u ah Bashaar al-Asad, mucaaradka kuwa waddamada shisheeye.

GAROWEONLINE

Related Articles

Trump oo hurumarka ka muuqda Riyadh ku amaaney Maxamad Bin Salman

Trump wuxuu ku sheegey in horumarka ka muuqda Sacuudiga iyo magaalooyinka kale…

  • Caalamka

    14-05-2025

  • 12:06PM

Sacuudiga oo Ku Dhawaaqay Maalgashi $600 Bilyan ah oo ay Ku Samaynayo Mareykanka

Maalgashigan ayaa la filayaa inuu noqdo mid ka mid ah kuwa ugu waaweyn ee Sacuudi Carabiya ku sameyso dalka dibaddiisa.

  • Caalamka

    14-05-2025

  • 11:39AM