Afganistan oo shaacisay la wareegidda Kunduz
-
- Posted On 01-10-2015, 05:17AM
01 Octoer, 2015(GO)-Dowladda Afgaanistaan ayaa sheegaysa in ay dib u qabsatay gacan ku haynta magaalada woqooyi ee Kunduz, saddex maalmood kaddib markii halkaasi ay qabsadeen dagaalyahanno ka tirsan ururka Taalibaan.
Arrintan ayaa lagu shaaciyay baraha bulshada iyadoo la soo dhigay Sawirro muujinaya in dowladdu gacanta ku dhigtay xarumo muhiim ah oo ay ka midyihiin saldhigyo ciidan.
Ururka Taliban kama hadlin warka Afgaanistaan, ee ku aadan in lagala wareegay magaalada gacanta u gashay maalintii Isniinta ee la soo dhaafay.
Afhayeenka ciidamada Maraykanka ayaa tilmaamay in ciidamada Nato ay magaalada joogaan si ay ula taliyaan kuwa dalka afgaanistaan.
Maraykanka ayaa sidoo kale qaaday weerar cirka si ay u joojiyaan Taliban inay horay u socdaan.
GAROWEONLINE
