Arday lagu laayay xadka Kenya
-
- Posted On 14-10-2017, 10:31AM
Mallayshiyaad hubaysan oo la tuhunsanyahay inay kasoo jeedaan dalka Koonfurta Suudaan ayaa weerar ku qaaday iskuul lagu magacaabo Lokichogio AIC Secondary School oo ku yaalla xadka fog ee dalka Kenya.
Weerarka oo dhacay aroornimadii hore ee saaka ayaa lagu dilay 5 Arday iyo mid kamid ah waardiyaashii Iskuulka.
Warar aan la xaqiijin ayaa sidoo kale tilmaamaya in la kufsaday dhowr dumar ah oo kamid ahaa Ardayda Iskuulka.
Dadka qaban dhaawacyada yar yar ayaa lagu dabiibayaa hadda Lopiding Hospital oo ku yaalla Lokichiogio, halka kuwa xaaladoodu adagtahay lagu daweynayp Lodwar Referal Hospital ee dalka Kenya.
Ma cadda sababta loo waareeray Iskuulkan, balse ciidamada Booliiska ayaa ku waramay inay wadaan baaritaan.
Waxaa la rumaysanyahay in qofka weerarka qaaday uu kamid ahaa ardayda Iskuulka kaasoo bilo ka hor laga joojiyay waxbarashada.
Guddoomiyaha gobolka Turkana, Josphat Nanok, ayaa cambaareeyay weerarkaas oo ku tilmaamay in loo gaysteen dad aan waxba galabsan.
"Maalin murugo ayay u tahay gobolka Turkana. Ciidamadu waa inay baaritaan sameeyay oo ay bannaanka soo dhigaan cidda ka dambaysan weerarka." ayuu yiri Josphat Nanok.
Maaha markii ugu horaysay oo weerar lagu qaado iskuulo ku yaalla dalka Kenya.
GAROWE ONLINE
